នៅថ្ងៃទី 2 ខែធ្នូ ឆ្នាំ 2022 នាយឧត្តមសេនីយ៍  Somyot  Phumphanmuang  ប្រធានសមាគមបាល់ទាត់ថៃរួមជាមួយលោក  Newin Chidchob ប្រធានក្លឹប  Buriram United នឹង​គ្រូ​បង្វឹក​យុវជនអាយុក្រោម ១៨ ឆ្នាំ ​ ចូលរួមសន្និសីទសារព័ត៌មាន អំពីកិច្ចការសហការគ្នាបង្កើតកីឡាករវ័យក្មេងនឹងហ្វឹកហាត់ជាមួយគ្នារយៈពេល  3 ឆ្នាំនៅមជ្ឈមណ្ឌលហ្វឹកហាត់ក្លិប  Buriram ដើម្បីក្លាយជាក្រុមមួយដែលជាប់ចំណាត់ថ្នាក់លេខ១០  នៅអាស៊ី ។
 

    ខាងក្រោមនេះគោលដៅនៃផែនការសំខាន់ៗ ដើម្បីនាំថៃទៅ U20 World Cup 2025 ៖ 
 

    ▪️CHANGE ៖ ការផ្លាស់ប្តូរនៅក្នុងលក្ខខណ្ឌនៃការអភិវឌ្ឍន៍បញ្ញា រូបវន្ត និងបច្ចេកទេស។
    
    ▪️KINGS OF ASEAN ៖ នាំក្រុមជម្រើសជាតិថៃត្រឡប់ទៅទីតាំងដើមវិញ និងបង្កើតភាពរីករាយសម្រាប់អ្នកគាំទ្របាល់ទាត់។
  
    ▪️JUMP ៖ ឆ្ពោះទៅមុខជាមួយនឹងស្តង់ដារដែលអាចប្រកួតប្រជែងជាមួយបណ្តាប្រទេសឈានមុខក្នុងអាស៊ីដូចជា ជប៉ុន កូរ៉េ។

    ▪️CONSISTENCY ៖ ភាពជាប់លាប់គឺជាគន្លឹះក្នុងការអភិវឌ្ឍន៍បាល់ទាត់រយៈពេលវែង។ ការឈានទៅដល់កម្រិតសកលជាជំហានមួយសម្រាប់កីឡាករនាពេលអនាគត។

សម្រាប់ក្លិប Buriram United នឹង​រ៉ាប់រង​ចំណាយ​ទាំង​ស្រុង​នៃ​គម្រោង​នេះ។ ជាដំបូងវគ្គជម្រុះនឹងមានកីឡាករចំនួន 200 នាក់ចូលរួម បន្ទាប់មកកាត់បន្ថយមកត្រឹម 100 នាក់ ហើយចុងក្រោយមានតែ 20 នាក់ប៉ុណ្ណោះដែលមានឈ្មោះជាកីឡាករអាជីពកម្រិតខ្ពស់។