ក្លិប Tottenham Hotspur មិនមានចេតនាលក់ Harry Kane ទៅឱ្យគូប្រជែង Premier League គឺក្លិប Manchester United ទេ បើទោះបីជាកីឡាករនៅសល់កុងត្រាមួយឆ្នាំទៀតក៏ដោយ នេះបើយោងតាមកាសែត The Times ។



កីឡាករវ័យ 29 ឆ្នាំមានកិច្ចសន្យាជាមួយក្លិប  Tottenham Hotspur រហូតដល់ឆ្នាំ 2024  ចំពេលមានពាក្យចចាមអារ៉ាមថាបិសាចក្រហមចង់ធ្វើការផ្លាស់ប្តូរនៅរដូវក្តៅនេះ។អនាគត​រយៈពេល​វែង​របស់​ខ្សែ​ប្រយុទ្ធ​ជម្រើស​ជាតិ​អង់គ្លេស​នៅ​តែ​មិន​ប្រាកដ​ប្រជា។ នៅពេលដែលគាត់មិនមានទំនោរក្នុងការបន្តកុងត្រាថ្មីជាមួយ Spurs ប៉ុន្តែដំណឹងនេះនៅតែត្រៀមបន្តនៅជាមួយក្លឹបដដែល។ ប៉ុន្តែ​បញ្ហា​នៅ​ត្រង់​ថា វា​ទាមទារ​ឱ្យ​មាន​ការ​ជោគជ័យ​ជាក់ស្តែង។



ស្ថានភាពរបស់ Kane ជាមួយ Spurs វាស្ថិតនៅក្រោមការឃ្លាំមើលយ៉ាងជិតស្និទ្ធរបស់ក្លិប Manchester United ប៉ុន្តែក្លឹប Spurs មិនមានចេតនាលក់ទៅឱ្យគូប្រជែងរបស់ពួកគេនៅក្នុងលីកតែមួយនោះទេ។ ក្រៅពី Kane ក្លឹប Manchester United ក៏មានព័ត៌មានចាប់អារម្មណ៍លើ Victor Osimhen ខ្សែប្រយុទ្ធ Napoli ម្នាក់ទៀតផងដែរ។

ថ្មីៗនេះ Kane បានក្លាយជាអ្នកស៊ុតបញ្ចូលទីច្រើនជាងគេរបស់ Spurs ជាមួយនឹង 267 គ្រាប់ លើសអ្នកកាន់កំណត់ត្រាមុន Jimmy Greaves ខណៈដែលគាត់ឈរនៅលេខ 3 ក្នុងតារាងអ្នកស៊ុតបញ្ចូលទីច្រើនជាងគេគ្រប់ពេលនៅ Premier League ជាមួយនឹងការស៊ុតបញ្ចូលទីសរុបចំនួន 200 គ្រាប់មាន តាមពីក្រោយ Wayne Rooney (208 គ្រាប់) និង Alan Shearer (260 គ្រាប់)។