លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា ព្រឹកថ្ងៃទី១៣ ខែ វិច្ឆិកា ឆ្នាំ២០២២ នេះ  លោក​បាន​ជ្រើសរើស​កីឡាករ ៣៥ ​នាក់​សម្រាប់​ពានរង្វាន់ AFF Mitsubishi Electric Cup 2022 ដែលនិងចាប់ផ្តើមនៅក្នុងខែធ្នូ ខាងមុខនេះរួច​ហើយ នេះបើតាមការបញ្ចាក់នៅលើគណនី​ហ្វេសប៊ុករបស់លោក។



លោក Keisuke Honda បានលើកឡើង​ក្នុងគណនី​ហ្វេសប៊ុករបស់លោកថា៖ “លោកនិង​ក្រុមការងារ​ជម្រើសជាតិកម្ពុជា​បាន​ជ្រើសរើស​កីឡាករ 35 ​នាក់​សម្រាប់​ពានរង្វាន់ AFF Mitsubishi Electric Cup 2022 រួច​ហើយ ប៉ុន្តែ​លោក​នៅតែប្រើប្រាស់ កម្មវិធីតេស្ត៍កម្លាំងអំណត់ 30-15 ដដែល”។

គួរអោយដឹងផងដែរថាក្រុមជម្រើសជាតិកម្ពុជាស្ថិតនៅក្នុងពូល A ដែលរួមមាន ក្រុមជម្រើសជាតិថៃ ,ហ្វីលីពីន,ឥណ្ឌូនេស៊ី និង ប្រ៊ុយណេ។  សម្រាប់ការប្រកួតបើកឆាករបស់ក្រុមជម្រើសជាតិកម្ពុជាយើង ត្រូវប៉ះជាមួយក្រុមជម្រើសជាតិហ្វីលីពីន នៅថ្ងៃទី២០ ខែធ្នូ ឆ្នាំ២០២២ ដែលការប្រកួតធ្វើឡើងនៅពហុកីឡដ្ឋានជាតិមរតកតេជោ។