* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
Southampton សម្រេចការផ្ទេរយកតារា World Cup 2022 របស់ក្រុមជម្រើសជាតិក្រូអាត...
Southampton បានឈានដល់កិច្ចព្រមព្រៀងនាំយកខ្សែប្រយុទ្ធស្លាប ដែលបានជួយអោយក្រុមជម្រើសជាតិក្រូអាតទទួលបានចំណាត់ថ្នាក់លេខ 3 នៅ World Cup 2022 កីឡាករ Mislav Orsic ជាផ្លូវការពីក្រុមក្រូអាត Dinamo Zagreb ក្នុងទំហំទឹកប្រាក់ 10 លានអឺរ៉ូ ជាមួយកិច្ចសន្យារយៈពេល 2 ឆ្នាំកន្លះ។
ខណៈដែលកីឡាករវ័យ 30 ឆ្នាំរូបនេះស៊ុតបញ្ចូលទីបាន 91 គ្រាប់ពី 214 ប្រកួតអោយក្រុម Dinamo Zagreb។ ហើយរូបគេក៏បានស៊ុតបញ្ចូលទី 1 គ្រាប់ជួយអោយក្រុមជម្រើសជាតិក្រូអាតយកឈ្នះម៉ារ៉ុក 2-1 នឹងទទួលបានលេខ 3 នៅ World Cup 2022 នេះផងដែរ។
Southampton បច្ចុប្បន្នដឹកនាំដោយលោកគ្រូ Nathan Jones សញ្ជាតិវេលស៍ ហាក់កំពុងតែត្រដាបត្រដួលខ្លាំងមែនទែននៅរដូវកាល 2022/23 នេះ ពោលគឺកំពុងតែស្ថិតនៅបាតតារាង Premier League តែម្ដង។
