ក្លិបបិសាចក្រហម  Manchester United ត្រៀមខ្លួនរួចរាល់ហើយក្នុងការចំណាយថវិកាចុះហត្ថលេខាលើកីឡាករ  Randall Kolo Muani ដែលជាខ្សែប្រយុទ្ធសញ្ជាតិបារាំងពីក្លិប Eintracht Frankfurt  មកចូលរួមក្រុមនៅរដូវក្តៅនេះ  ទោះបីជាត្រូវប្រជែងជាមួយក្លិប Paris Saint-Germain ក៏ដោយ។



អ្នកចាត់ការក្លឹប Manchester United លោក Erik ten Hag កំពុងស្វែងរកខ្សែប្រយុទ្ធថ្មី ដើម្បីចូលរួមក្រុមនៅរដូវកាលក្រោយ។ ហើយថ្មីៗនេះគាត់ត្រូវបានគេកំណត់ថានឹងចំណាយរហូតដល់ 105 លានផោន ដើម្បីចុះហត្ថលេខាលើ Kolo Mouani បន្ទាប់ពីគាត់ចាប់អារម្មណ៍នឹងទម្រង់លេងរបស់គាត់ជាមួយក្រុមជម្រើសជាតិបារាំងក្នុងព្រឹត្តការណ៏ World Cup ឆ្នាំ 2022 ។



ឱកាស​ក្នុង​ការ​ផ្លាស់​ប្តូរ​ក្រុម​របស់កីឡាករ Kolo Muani នេះ​បើ​តាម​សារព័ត៌មាន​យក្ស​របស់​អាល្លឺម៉ង់​បាន​និយាយ Mouani ត្រៀមខ្លួនរួចជាស្រេចដើម្បីពិចារណាលើសំណើនេះ ប្រសិនបើពួកគេនឹងទទួលបានយ៉ាងហោចណាស់ 90 លានផោន ។ មកទល់ពេលនេះ Kolo Mouani ស៊ុតបញ្ចូលទីបាន 11 គ្រាប់សម្រាប់ Eintracht Frankfurt និង assists 12ដង ពីការបង្ហាញខ្លួន២៣ប្រកួត។