ខ្សែ​ប្រយុទ្ធសញ្ញាតិ​ហូឡង់ កីឡាករ  Cody Gakpo  ​ត្រូវ​បាន​ក្លឹប​ធំៗ​នៅ​​ទ្វីប​អឺរ៉ុប​ទាក់​ទង​ក្នុង​អំឡុង​ពេល​ទីផ្សារ​ដោះដូរ​កីឡាករ​នៅ​ខែ​មករាខាងមុខនេះ បន្ទាប់​ពី​បង្ហាញ​ទម្រង់​លេង​យ៉ាងល្អ​ក្នុង​អំឡុងពេល​ការ​ប្រកួតពានរង្វាន់ FIFA  World Cup 2022 នៅ​ប្រទេស​កាតា ។



យ៉ាងណាមិញក្លឹប Manchester United គឺ​ជា​ក្រុម​មួយ​ដែល​ដឹក​នាំ​គ្រូបង្វឹកសញ្ជាតិ​ហូឡង់ មានសេចក្តីរាយការណ៍មកថា បានបើការចរចាបឋមជាមួយក្លិប PSV ហើយ  ដោយក្រុមក្នុងប្រទេសហូឡង់មួយនេះចង់បានតម្លៃខ្លួន 50 លានផោន ប៉ុន្តែបិសាចក្រហមសង្ឃឹមថាអាចចរចាបានត្រឹមតម្លៃ 40 លានផោន នេះបើយោងតាមកាសែត Daily Mail ។



អតីតនាយកបច្ចេកទេសក្លិប PSV លោក John De Jong បានសារភាពនៅក្នុងបទសម្ភាសន៍មួយថា Gakpo ចាប់អារម្មណ៍ក្នុងការចូលរួមជាមួយលោក Erik ten Hag ។

លោក John De Jong បានប្រាប់សារព័ត៏មាន NOS ថា៖ "Cody បានរង់ចាំការផ្ទេរទៅកាន់ Manchester United អស់រយៈពេលជាយូរ ហើយអ្វីដែលបានរងចាំវាបានមកដល់ហើយ" ។



គួរអោយដឹងផងដែរថា Cody  Gakpo ស៊ុតបញ្ចូលទីបាន 12 គ្រាប់ និង assists 15 ដងសម្រាប់ក្លិប PSV នៅរដូវកាលនេះ។