បន្ទាប់ពីខ្សែប្រយុទ្ធ Cristiano Ronaldo បាន​​ទ​ម្លា​ញ​អារម្មណ៍​ឈឺចាប់​នៅ​ក្នុង​បទ​សម្ភាសន៍​ជាមួយ​លោក Piers Morgan ដែល​ជា​ពិធីករ​ទូរទស្សន៍​ដ៏​ល្បីល្បាញ​នៅ​ចក្រភព​អង់គ្លេស​ក្នុង​កម្មវិធី TalkTV កាលពីយប់ថ្ងៃ​ទី​១៣ ខែវិច្ឆិកា​ ឆ្នាំ២០២២ ។ ក្រោយក្រុមបិសាចក្រហម Man United បានយកឈ្នះ Fulham ក្នុងលទ្ធផល ២ទល់និង១ នៅកីដ្ឋាន Craven Cottage ។



ក្លិប​ Manchester United  បានចេញសេចក្ដីថ្លែងការណ៍ថា ៖

«Manchester United កត់សម្គាល់ការផ្សាយរបស់ប្រព័ន្ធផ្សព្វផ្សាយទាក់ទងនឹងបទសម្ភាសន៍របស់ Cristiano Ronaldo។ ក្លិបនឹងពិចារណាលើការឆ្លើយតប​ បន្ទាប់ពីការពិតត្រូវបានលាតត្រដាងឡើង»។

ក្លិបបានបន្ថែមទៀតថា ៖ «ការផ្តោតអារម្មណ៍របស់យើង គឺនៅតែលើការរៀបចំផែនការសម្រាប់ពាក់កណ្ដាលរដូវកាលនេះ និងការបន្តនូវសន្ទុះ ជំនឿ និងការរួមគ្នាដែលត្រូវបានបង្កើតឡើងក្នុងចំណោមកីឡាករ អ្នកគ្រប់គ្រង បុគ្គលិក និងអ្នកគាំទ្រ»។



នៅក្នុងបទសម្ភាសន៍រយៈពេល 90 នាទីដែលនឹងចាក់ផ្សាយនៅលើទូរទស្សន៍  TalkTV  កីឡាករឆ្នើមសញ្ជាតិព័រទុយហ្គាល់រូបនេះបានអះអាងថា ten Hag នាក់និងអ្នកផ្សេងទៀតចង់ឱ្យគាត់ចេញពី  Old Trafford ។

ពេលសួរថាតើមាននរណានៅ  Manchester United ចង់ឱ្យគេចេញពីក្លិបឬទេ  Ronaldo បាននិយាយថា ៖  « បាទ មិនត្រឹមតែគ្រូបង្វឹក [Erik ten Hag] ប៉ុណ្ណោះទេ ប៉ុន្តែក៏មានមនុស្សពីរឬបីនាក់ ទៀតចង់ឱ្យខ្ញុំចេញដែរ។ ខ្ញុំមានអារម្មណ៍ថាដូចត្រូវគេក្បត់។ មែនហើយ! ខ្ញុំមានអារម្មណ៍ថា ដូចត្រូវគេក្បត់ ហើយអ្នកខ្លះមិនចង់ឱ្យខ្ញុំមកទីនេះទេ មិនមែនតែឆ្នាំហ្នឹងទេ តាំងពីឆ្នាំមុនម្ល៉េះ។ ខ្ញុំគិតថាអ្នកគាំទ្រគួរតែដឹងការពិត។ ខ្ញុំចង់បានអ្វីដែលល្អបំផុតសម្រាប់ក្លិប នេះជាមូលហេតុដែលខ្ញុំត្រលប់មកវិញ» ។

Ronaldo ថ្លែងអំពីលោក Erik Ten Hag ៖ « ខ្ញុំមិនមានការគោរពចំពោះគាត់ទេ (Ten Hag) ពីព្រោះគាត់មិនបង្ហាញការគោរពចំពោះខ្ញុំ។ ប្រសិនបើអ្នកមិនគោរពខ្ញុំទេ ខ្ញុំក៏នឹងមិនគោរពអ្នកដែរ»។


 

Ronaldo  និយាយចំពោះ  Sir Alex Ferguson ៖ «ចាប់តាំងពីគាត់  (Sir Alex Ferguson)  ចាកចេញមក ខ្ញុំមិនបានឃើញការវិវត្តនៅក្នុងក្លិបទេ។ គ្មានអ្វីផ្លាស់ប្តូរទេ»។

Ronaldo  និយាយចំពោះ  Manchester United ៖ «ខ្ញុំស្រលាញ់ក្លិប ខ្ញុំស្រលាញ់អ្នកគាំទ្រ ពួកគេតែងតែនៅខាងខ្ញុំ។ ប៉ុន្តែប្រសិនបើពួកគេចង់ឱ្យមានភាពខុសប្លែក ពួកគេត្រូវតែផ្លាស់ប្តូររឿងជាច្រើន»។



Ronaldo និយាយចំពោះ  Wayne Rooney ៖ « ខ្ញុំមិនដឹងថាហេតុអ្វីបានជាគាត់  (Wayne Rooney)  រិះគន់ខ្ញុំយ៉ាងធ្ងន់ធ្ងរ ... ប្រហែលជាដោយសារតែគាត់បានបញ្ចប់អាជីពរបស់គាត់ហើយខ្ញុំនៅតែលេងក្នុងកម្រិតខ្ពស់។ ខ្ញុំមិននិយាយថាខ្ញុំមើលទៅល្អជាងគាត់ទេ ដែលនេះគឺជាការពិត... "»។