លោក Li Jun អ្នកគាំទ្របាល់ទះកម្ពុជាប្រាកដជាស្គាល់យ៉ាងច្បាស់ហើយអំពីទេព្យកុសលនៃការដឹកនាំក្រុមរបស់លោក ហើយនៅពេលឆាប់ៗខាងគាត់ក៏មានភារកិច្ចដឹកនាំក្រុមជម្រើសជាតិកម្ពុជាអាយុក្រោម២០ឆ្នាំចូលរួមប្រកួតជាមួយក្រុមជម្រើសជាតិវៀតណាមអាយុក្រោម២០ឆ្នាំក្នុងព្រឹត្តិការណ៍ជើងទ្វីអាស៊ី Asian Men’s U20 Volleyball Championship នៅប្រទេសថៃឆាប់ៗខាងមុខនេះផងដែរ។

យ៉ាងណាមិញក្នុងរឿងនេះលោក Li Jun ដែលជាគ្រូបង្វឹកសញ្ជាតិចិនបានលើកឡើងទាក់ទងទៅនឹងឈុតយុវជនរបស់កម្ពុជាបែបនេះថា “ កីឡាករយុវជនអាយុក្រោម២០ឆ្នាំ ​ពួក​គាត់​សុទ្ធ​តែ​ជាកីឡាករ​ថ្មី​ សមត្ថភាព​ពួក​គាត់​នៅ​មាន​កម្រិត​ត្រូវ​ការ​ពេល​ហ្វឹក​ហាត់​ច្រើន គួប​ផ្សុំ​ជា​មួយ​ឆន្ទ:​របស់​ពួក​គាត់​ ហើយខ្ញុំ​ជឿជាក់​ថា​ពួក​គាត់​នឹង​មាន​ភាព​រីក​ចម្រើនយ៉ាងឆាប់រហ័ស ”។

គួរបន្ថែមផងដែលថាលោក Li Jun ជឿជាក់លើឆន្ទៈរបស់កីឡាករជំនាន់របស់កម្ពុជា ត្បិតកីឡាករទាំងអស់សុទ្ធសឹងតែជាកីឡាករថ្មីមិនសូវបានប្រឡូកជ្រៅក្នុងការប្រកួតអន្តរក៏ដោយ តែឆន្ទៈរួមជាមួយការខិតខំហ្វឹកហាត់ជាកក្ដាដែលធ្វើអោយជឿជាក់ពេញទំហឹងថាក្រុមជម្រើសជាតិកម្ពុជាអាយុក្រោម២០ឆ្នាំនឹងធ្វើបានល្អក្នុងពានរង្វាន់ជើងឯកទ្វីបនាពេលខាងមុខ៕