ការឈ្នះ Ballon D’or លើកទី៨របស់ Messi បានក្លាយជាប្រធានបទដ៏ក្ដៅគគុកមួយ ក្រោយលេចមុខកីឡាករបាល់ទាត់ល្បីៗក៏ដូចជាគ្រូបង្វឹកមួយចំនួនតូចគិតថាជាការរៀបចំទុកមុន ព្រោះកាលពីពេលកន្លងមកមានសារពត៌មានល្បីជាច្រើនបានចុះផ្សាយថា Lionel Messi គឺជាអ្នកឈ្នះ Ballon D’or ឆ្នាំ២០២៣រួចបាត់ទៅហើយ។

យ៉ាងណាមិញក្នុងរឿងនេះអតីតកីឡាកររបស់ក្លឹបបាល់ទាត់ PSG លោក Jerome Rothen បាន​អះអាង​ថា Lionel Messi មិនសមនឹងឈ្នះ Ballon D’or ឡើយគួរណាស់តែ Erling Haalland ជាអ្នកឈ្នះទើមសមហេតុផល។

ទោះបីជាយ៉ាងណាក៏ដោយទាំង Kevin De Bruyne និងលោក Zidane សុទ្ធតែគិតថាការឈ្នះ Ballon D’or របស់តារាឆ្នើមសញ្ជាតិអាហ្សង់ទីនគឺខុសប្រក្រតីទាំងអស់ ដោយ De Bruyne បានលើកឡើងថា “ បើ Ballon D’or សុក្រិតយុត្ថិធម៌ពិតមែន Erling Haalland ដែលជាអ្នកឈ្នះ ” ខណៈលោក Zidane វិញគាត់បាននិយាយថា “ Cristiano Ronaldo នៅតែជាកីឡាករឆ្នើមបំផុតក្នុងពិភពលោក ទោះឈ្នះ Ballon D’or តិចជាង Messi ក៏ដោយ ”។

គួរបន្ថែមផងដែលថា Lionel Messi គឺជាកីឡាករសញ្ជាតិអាហ្សង់ទីនតែម្នាក់គត់ដែលឈ្នះ Ballon D’or ខណៈរូបគេក៏ជាកីឡាករបាល់ទាត់ម្នាក់គត់ដែលឈ្នះ Ballon D’or ច្រើនជាងគេផងដែរ៕