ដូចដែលបងប្អូនបានដឹងហើយថាក្លឹបយក្សអធិរាជស Real Madrid បានត្រូវរូវគ្នាអំពីការផ្ទេររបស់យុវជនវ័យក្មេងសញ្ជាតិប្រេស៊ីល Edrick  យូមកហើយ​​ តែរូបគេទើបតែបង្ហាញខ្លួនជាផ្លូវកាលក្នុងកីឡដ្ឋាន  Santiago Bernabéu។

យ៉ាងណាមិញ Endrick ចាត់ទុកការផ្ទេរមកចូលរួមជាមួយក្លឹបអធិរាជស Real Madrid ថាវាគឺជាសុបិន្តក្លាយជាការពិតសម្រាប់រូបគេ ព្រោះយុវជនរូបនេះគឺជាកីឡាករមួយរូបដែលស្រលាញ់ក្លឹបម្ចាស់ដី  Santiago Bernabéu តាំងពីដើមមកម្លេះ។

យ៉ាងណាក្ដីក្នុងកិច្ចបង្ហាញខ្លួនមុខអ្នកគាំទ្រអធិរាជស Real Madrid  Endrick បានសម្រក់ទឹកភ្នែកដោយបង្ហើបអោយដឹងអំពីកីឡាករម្នាក់ដែលធ្វើអោយគេយំបែបនេះថា “ ខ្ញុំ​មិន​មាន​គម្រោង​យំ​ទេ ប៉ុន្តែ​ខ្ញុំ​ស្រលាញ់ Real Madrid តាំង​ពី​តូច​មក​ម្ល៉េះ ព្រោះ​មាន​កីឡាករម្នាក់​ក្នុង​ជីវិត​ខ្ញុំគឺ Cristiano Ronaldo ”។

គួរបន្ថែមផងដែលថាសម្រាប់កីឡាករចំណូលថ្មីរបស់ក្លឹបអធិរាជស Real Madrid ទាំងពីររូបគឺកីឡាករ Kylian Mbappe និង Endrick សុតសឹងតែជាកីឡាករដែលស្រលាញ់ក្លឹបអធិរាជសដោយសារ CR7 ទាំងបើតាមការបង្ហើបអោយដឹងពីសំណាក់សាមីខ្លួនគ្រាមកដល់  Santiago Bernabéu៕