ដូចដែលបងប្អូនបានដឹងហើយថាក្លឹបបាល់ទះរបស់តៃវ៉ាន់ Win Streak គឺជាម្ចាស់ជើងឯងលីគកំពូលបាល់ទះតៃវ៉ាន់ Enterprise Volleyball League កាលពីរដូវកាល ២០២៣-២៤ ដែលការឈ្នះពាននោះក៏រួមចំណែកជួយក្លឹបអាណាព្យាបាលរបស់ខ្លួនយ៉ាងសកម្មផងដែរ។

យ៉ាងណាមិញបេសកម្មបន្ទាប់របស់ក្លឹបបាល់ទះ Win Streak ក៏ត្រូវចូលរួមប្រកួតប្រជែងដណ្ដើមពានរង្វាន់ដ៏ធំមួយប្រចាំទ្វីបអាស៊ីគឺពានរង្វាន់ Asian Men’s Club Volleyball Championship 2024 ដោយក្នុងព្រឹត្តិការណ៍ខាងលើនេះសុទ្ធសឹងតែជាក្រុមខ្លាំងទើបទទួលបានកៅអីចូលរួមប្រកួត។

ទោះបីជាយ៉ាងណាក៏ដោយក្រោយការចាប់ឆ្នោតបែងចែងពូល ក្លឹបបាល់ទះ Win Streak TaiWan ស្ថិតនៅពូល C ដែលជាពូលពោលពេញទៅក្រុមខ្លាំង ដោយក្នុងនោះរួមមានក្លឹបបាល់ទះ Jakarta Bhayangkara Presisi របស់ឥណ្ឌូណេស៊ី និង ក្លឹបបាល់ទះ Pavlodar Volleyball Club របស់កាហ្សាក់ស្ថានផងដែរ។

គួរបន្ថែមផងដែលថាសម្រាប់ការប្រកួតពានរង្វាន់ Asian Men’s Club Volleyball Championship 2024 ចាប់ផ្ដើមពីថ្ងៃទី១៥ខែសីហាឆ្នាំ២០២៤នេះហើយ ខណៈ Iran គឺជាម្ចាស់ផងផ្ទះរៀបចំការប្រកួតដ៏ធំមួយនេះ៕