Joao Felix ហាក់ដូចជានៅតែតាំងចិត្តក្នុងការត្រលប់ទៅ Barcelona វិញដោយអតីតកីឡាករ Chelsea រូបនេះថែមទាំងបានច្រានចោលការផ្តល់ជូនដែលមកពី Aston Villa ទៀតផង។

ខ្សែ​ប្រយុទ្ធ​សញ្ជាតិ​ព័រទុយហ្គាល់​ទើប​តែ​ត្រលប់​ទៅ Atletico Madrid ដើម្បី​ចាប់​ផ្តើម​រដូវ​កាល​ថ្មី។ ទោះជាយ៉ាងណាក៏ដោយ នៅពេលដែលគាត់ត្រលប់ទៅក្រុម Atletico Madrid វិញ Joao Felix បានហ្វឹកហាត់តែម្នាក់ឯង។ រឿងនេះបានកើតឡើងដោយសារតែ Diego Simeone មិនបានទុករូបគេជាផ្នែកសំខាន់ក្នុងផែនការរបស់គាត់សម្រាប់រដូវកាលក្រោយ ហើយ Joao Felix ក៏កំពុងរង់ចាំផ្លូវចេញដែរ។

Atletico Madrid ត្រូវបានគេរាយការណ៍មកថា ជិតបញ្ចប់ការចរចារផ្ទេរកីឡាករ Joao Felix ជាមួយក្លឹប Aston Villa នៅ Premier League ។ ទោះជាយ៉ាងណាក៏ដោយ ដូចដែលបានរាយការណ៍ដោយ Diario SPORT កីឡាករ Felix បានច្រានចោលសំណើនេះ ហើយបានសង្កត់ធ្ងន់ថាគាត់គ្រាន់តែចង់ទៅ Barcelona ប៉ុណ្ណោះ។