Real Madrid បានចេញសេចក្តីថ្លែងការណ៍បដិសេធពាក្យចចាមអារ៉ាមដែលថាពួកគេបានចរចារទិញ Kylian Mbappe មកចូលរួមក្រុមជាមុន។

សារព័ត៌មានអេស្ប៉ាញ AS បានរាយការណ៍ថា Kylian Mbappe បានយល់ព្រមមិនទទួលបានប្រាក់រង្វាន់ភាពស្មោះត្រង់ប្រហែល 100 លានអឺរ៉ូពី PSG ហើយបានយល់ព្រមលើការផ្លាស់ប្តូរបឋមទៅ Real Madrid ធ្វើឱ្យ Real Madrid បានចេញសេចក្តីថ្លែងការណ៍ជាការឆ្លើយតបភ្លាមៗ។

"បន្ទាប់ពីព័ត៌មានដែលបានចេញផ្សាយនៅក្នុងប្រព័ន្ធផ្សព្វផ្សាយផ្សេងៗដែលប៉ាន់ស្មានអំពីការចរចាររវាងកីឡាករ Kylian Mbappe និងក្លឹបរបស់យើង Real Madrid សូមបញ្ជាក់ថាព័ត៌មានបែបនេះគឺមិនពិត។ ហើយ​មិន​មាន​ការ​ចរចា​ដែល​កើត​ឡើង​ជាមួយ​នឹង​កីឡាករ PSG ណា​មួយ​នោះ​ទេ” Real Madrid និយាយ​ក្នុង​សេចក្តីថ្លែងការណ៍​មួយ។សម្រាប់ Mbappe គាត់ បានចុះកិច្ចសន្យាថ្មីរយៈពេលមួយឆ្នាំជាមួយ PSG នៅរដូវក្តៅ។ ដែលជាការប្រើប្រាស់ជម្រើសបន្តកិច្ចសន្យា នេះមានន័យថាគាត់អាចនឹងផ្លាស់ទៅលេងនៅរដូវក្តៅឆ្នាំ 2024 ដោយក្លឹប Real Madrid និង Liverpool ក៏មានទំនាក់ទំនងផងដែរ។