អ្នកចាត់ការទូទៅរបស់ក្រុមភ្នំពេញក្រោន លោក កែវ សុខងន បានចាត់ទុកការឈ្នះពានរង្វាន់ចំនួន ២ (HSC និង CPL) ក្នុង ១ រដូវកាល របស់ក្រុមព្រះខ័នរាជស្វាយរៀង គឺជារឿងសំណាង ។

ជាការពិតណាស់ ព្រះខ័នរាជស្វាយរៀងក្នុងរដូវកាលនេះក្រសោបបានពានរង្វាន់ធំៗចំនួនន២ គឺ ពានរង្វាន់ សម្ដេច អគ្គមហាសេនាធិបតី តេជោ ហ៊ុនសែន លើកទី ១៧ នឹង លីគកំពូល កម្ពុជា ( Cambodian Premier League ) ។ ប៉ុន្តែលោក កែវ សុខងន អ្នកចាត់ការទូទៅរបស់ក្លិប ភ្នំពេញក្រោន និយាយថា ជារឿងសំណាងទៅវិញ ដោយសាររបស់ក្រុមរបស់លោកមានបញ្ហាច្រើនលើកីទ្បាករសំខាន់ៗក្នុងស្រុក និងបរទេស រងរបួស ក៏ដូចជាជាប់ពិន័យជាដើម ស្របពេលពួកគេមិនសូវមានកីទ្បាកររងរបួស និងជាប់ពិន័យទ្បើយ ។ នេះបើតាមការបញ្ជាក់ប្រាប់ពីអ្នកយកព័ត៌មាន PSB News Sport ។

គួរបញ្ជាក់ថា  លោក កែវ សុខ​ង​ន ជាអតីត​ខ្សែប្រយុទ្ធ​ភ្នំពេញ​ក្រោ​នបានបញ្ចប់​អាជីព​របស់ខ្លួនកាលពី​ចុងឆ្នាំ​២០១៧​ មុននឹង​ត្រូវបាន​ជ្រើសតាំង​ជា​អ្នកអ្នកចាត់ការទូទៅក្រុម​នេះ​នៅឆ្នាំ២០១៨ ។ កែវ សុខ​ង​ន គឺជា​អតីត​ខ្សែប្រយុទ្ធ​ឆ្នើម​ជម្រើសជាតិ​កម្ពុជា ហើយក៏​ជា​អតីត​ខ្សែប្រយុទ្ធ​ក្លិប​សាមុទ​សា​ខន​លី​គ​ថៃ និង​ក្លិប​បឹងកេត​ជាដើម​។​