Supachok Sarachat  ដែលជាខ្សែប្រយុទ្ធរបស់ក្លឹប Buriram United ដែលបានទៅចូលរួមមួយក្លឹប Consadole Sapporo ក្នុងលក្ខខ័ណ្ឌខ្ចីជើងក្នុងការប្រកួតជើងទីពីរនៃក្របខណ្ឌ J-League លីគកំពូលរបស់ជប៉ុនក្នុងរដូវកាល ឆ្នាំ 2022។



ថ្មីៗនេះ លោក Newin Chidchob ប្រធានក្លឹប Buriram United បានចុះកិច្ចសន្យាជាផ្លូវការជាមួយលោក  Hirokatsu Mikami ប្រធានក្លឹប  Hokkaido Consadole Sapporo ក្នុង​ការ​អោយ​ខ្សែប្រយុទ្ធ Supachok Sarachat ​ចូល​រួម​ជាមួយ​ក្រុមមក​ពី​ក្របខណ្ឌ J-League លីគកំពូលរបស់ជប៉ុន ជាអចិន្ត្រៃយ៍ជាមួយនឹងកុងត្រា 5 ឆ្នាំ ចាប់ពីថ្ងៃទី 12 ខែវិច្ឆិកា ឆ្នាំ 2022 ដល់ថ្ងៃទី 31 ខែធ្នូ ឆ្នាំ 2027។



ខណៈពេលដែល  Supachok Sarachat  បាននិយាយលាអ្នកគាំទ្រ  Buriram United បន្ទាប់ពីការប្រកួត  J.LEAGUE ASIA CHALLENGE 2022 ដែលក្លិប  Consadole Sapporo បានចាញ់  Buriram United ក្នុងលទ្ធផល 2 - 5 កាលពីម្សិលមិញយ៉ាងដូច្នេះថា៖ “ថ្ងៃនេះខ្ញុំសូមថ្លែងអំណរគុណដល់អ្នកគាំទ្របាល់ទាត់ទាំងអស់ដែលបន្តគាំទ្រខ្ញុំបាទ។ តាំង​ពី​ខ្ញុំ​មកចូលរួម​ជាមួយ​ឈុត​ធំ​របស់ក្លិប Buriram United តែងតែ​មាន​អ្នក​ នូវគាំទ្រ​ខ្ញុំ។យើង​បាន​ចែករំលែក​ទុក្ខសោក និង​ភាព​រីករាយ​ជាមួយ​គ្នា មិន​ថា​យើង​ឈ្នះ​ឬ​ចាញ់​នោះ​ទេ​។ យើងតែងតែនៅជាមួយគ្នា។ ខ្ញុំមិនចង់និយាយថាវាជាការលារបស់ខ្ញុំទេ ជឿថាខ្ញុំមាន DNA របស់  Buriram United 100% គ្រប់ទីកន្លែងដែលខ្ញុំទៅ។នៅទីបញ្ចប់ ខ្ញុំនឹងនូវជាមួយ  Buriram United ជានិច្ច។សង្ឃឹម​ថា​នៅ​ថ្ងៃ​អនាគត​ខ្ញុំ​នឹង​អាច​ត្រឡប់​មក​ផ្ទះ​ខ្ញុំ​វិញ​”។



សម្រាប់ខ្សែប្រយុទ្ធ Supachok Sarachat ដែលជាកីឡាករមួយរូបដែលធំឡើងពីសាលា បាល់ទាត់របស់ក្លិប Buriram United បានជួយក្រុមឱ្យឈ្នះជើងឯកចំនួន ១០ ដងដែលមានដូចតទៅ៖ Thai League Champions ៣ ដង, League Cup ២ ដង, FA Cup ១ ដង, Thailand Champions Cup ១ ដង, Toyota Premier Cup ១ ដង និង Mekong Club Championship ២ ដង។