* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
ចាំមើលបានមិនបាន? Lewandowski មានបំណងរកគ្រាប់បាល់បាន 35 គ្រាប់ក្នុងរដូវកាលនេះ
Robert Lewandowski ខ្សែប្រយុទ្ធជើងចាស់របស់ Barcelona ដាក់គោលដៅរកគ្រាប់បាល់បាន 35 គ្រាប់សម្រាប់ក្លឹបនៅរដូវកាលនេះ។
ការពិតណាស់ខ្សែប្រយុទ្ធវ័យ 36 ឆ្នាំរូបនេះបានចាប់ផ្ដើមរដូវកាលដ៏ល្អដោយស៊ុតបញ្ចូលទីបាន 4 គ្រាប់ក្នុង 4 ប្រកួត ដែលគាត់សង្ឃឹមថានឹងរក្សាទម្រង់លេងដ៏ល្អរបស់គាត់ និងស៊ុតបញ្ចូលទីបានដល់ទៅ 35 គ្រាប់សម្រាប់ក្រុមអ្នកមានបុណ្យនៅរដូវកាលនេះ ខណៈកាលពីរដូវកាលមុន Lewandowski ស៊ុតបញ្ចូលទីបាន 26 គ្រាប់ក្នុងការបង្ហាញខ្លួន 49 ប្រកួត។
Lewandowski បាននិយាយថា៖
“ ពិតណាស់ខ្ញុំចង់ស៊ុតបញ្ចូលទីច្រើនជាងរដូវកាលមុន។ គោលដៅគឺដើម្បីទទួលបានច្រើនជាង 30 គ្រាប់ ខ្ញុំមិនដឹងទេ ប្រហែលជា 35 គ្រាប់ ” ។
“ វាអាស្រ័យលើក្រុមផងដែរ។ ដូច្នេះខ្ញុំសង្ឃឹមថាពួកគេនឹងបង្កើតឱកាសជាច្រើនសម្រាប់ខ្ញុំក្នុងការរកគ្រាប់បាល់ »។
