ដូចដែលប្រិយមិត្តយើងបានដឹងហើយថា អតីតអ្នកចាំទីរបស់ Juventus ត្រូវបានក្លិប Barcelona នាំយកមកកាន់ទឹកដី Camnu ជាមួយនឹងការផ្ទេរដោយឥតគិតថ្លៃ បន្ទាប់ពីអ្នកចាំទីសំខាន់របស់ពួកគេ Marc-André ter Stegen មានបញ្ហារបួស ។

ពិតណាស់ Szczesny ​បច្ចុប្បន្ន​មាន​អាយុ 34 ឆ្នាំ​ ដោយគាត់ធ្លា​បាន​ប្រកាស​ចូល​និវត្តន៍​ពី​បាល់ទាត់​នៅ​ចុង​រដូវ​កាល​មុន​បន្ទាប់​ពី​លេង​ឱ្យ​ក្លឹប Juventus 7 ឆ្នាំ​នៅក្របខណ្ឌ Italy Serie A។ ហើយពេលនេះគាត់កំពុងត្រូវបានគេចាប់អារម្មណ៍ នឹងមានការិះគន់ជាខ្លាំងក្រោយគេប្រទះឃើញថារូបគេបានជក់បារី ហើយជុំវិញរឿងនេះ Szczesny ក៏បានឆ្លើយតបទៅវិញផងដែរ ។

ដោយនៅក្នុងបទសម្ភាសន៍មួយ Wojciech Szczesny បាននិយាយថា "មានរឿងជាច្រើននៅក្នុងជីវិតផ្ទាល់ខ្លួនរបស់ខ្ញុំដែលខ្ញុំនឹងមិនផ្លាស់ប្តូរ ហើយវាជារឿងរបស់ខ្ញុំ ប្រសិនបើខ្ញុំជក់បារី។ ខ្ញុំជឿថាវាមិនប៉ះពាល់ដល់អ្វីដែលខ្ញុំធ្វើនៅលើទីលាននោះទេ ខ្ញុំនឹងធ្វើការខ្លាំងជាងមុនពីរដង។"