Neymar ត្រូវបានសារពត៌មានធំៗជាច្រើនហ៊ានអះអាងថា និងមិនបន្តកុត្រាថ្មីជាមួយ PGS ឡើយព្រោះខ្សែប្រយុទ្ធស្លាបសញ្ជាតិប្រេស៊ីលរូបនេះហាក់ធុនទ្រាន់ជាមួយនិងបរិកាសក្នុងទីក្រុងបារីស ជាពិសេសធុញទ្រាន់ជាមួយនិងការមើលងាយជាច្រើនលើកច្រើនសារពីសំណាក់អ្នកគាំទ្ររបស់ PSG ផ្ទាល់។

បើយោងទៅតាមសារពត៌មាន The Sun បានបញ្ជាក់យ៉ាងច្បាស់ថា Neymar និងមិនចូលរួមជាមួយក្លិបណាផ្សេងក្រៅពី Manchester United នោះទេ បន្ទាប់ពីគេចាកចេញពី PSG ព្រោះក្លិបម្ចាស់ដី Old Trafford Neymar មានមិត្តរួមក្រុមដែលធ្លាប់ស្គាល់នៅក្នុងក្រុមជម្រើសជាតិប្រេស៊ីលមួយចំនួនដូចជា Casemiro, Fred, និង Anthony ជាដើម។

ក្រៅពីរឿងនេះសារពត៌មាន L'Equipe ក៏បានអះអាងផងដែលថា Man Utd កំពុង​ពិភាក្សា​ជាមួយ PSG ជុំវិញ ​ការ​ផ្ទេរ​កីឡាករ វ័យ៣១ ឆ្នាំរូបនេះទៅរួមក្រុមនារដូវកាលក្រោយ ខណៈក្លិបដែលមានមូលដ្ថានក្នុងទីក្រុងបារីសក៏គ្មានបំណងក្នុងការរក្សាទុក Neymar បន្តទៀតដែរ។

គួរបន្ថែមផងដែលថា Neymar គឺជាកីឡាករដែលមានតម្លៃផ្ទេរខ្ពស់បំផុតក្នុងឆ្នាំ២០១៧ គ្រាដែល PSG បានទិញផ្ដាច់ពី FC Barcelona ក្នុងតម្លៃ ២២២លាន​អ៊ឺរ៉ូ​ សម្រាប់សមិទ្ធផលដែល Neymar បានសាងជាមួយ PSG រួមមានការបង្ហាញខ្លួនអោយក្លិបបានចំនួន ១៧៣ប្រកួត រកបាន ១១៨គ្រាប់ និងឈ្នះពានជាច្រើនផងដែលជាមួយក្លិប៕