ក្លឹបយក្សរបស់អារ៉ាប៊ីសាអីឌីត Al Hilal កំពុងតាំងចិត្តយ៉ាងមុតមាំងក្នុងការនាំយកខ្សែបម្រើចាស់វង្សារបស់ក្លឹបបាល់ទាត់អធិរាជស Real Madrid កីឡាករ Luca Modric  មករួមក្រុម ខណៈដែលកិច្ចសន្យារបស់កីឡាករសញ្ជាតិក្រូអាតជាមួយក្លឹបម្ចាស់ដី Santiago Bernabéu នៅសល់សុពលភាពត្រឹមចុងបញ្ចប់នៃរដូវកាលនេះប៉ុនណ្ណោះ។

យ៉ាងណាមិញយោងសេចក្ដីលម្អិតចេញពីសារពត៌មាន ​​AS បានអោយដឹងថាក្លឹបបាល់ទាត់ Al-Hilal មានចំណាប់អារម្មណ៍ចង់ចុះហត្ថលេខាជាមួយនឹងកីឡាករ Luca Modric នាពេលឆាប់ៗនេះ ដោយក្លឹបយក្សរបស់អារ៉ាប៊ីសាអូឌីតក្រោងនិងផ្ដល់ជូន  300 លានអឺរ៉ូសម្រាប់កិច្ចសន្យា៣ឆ្នាំជាមួយខ្សែបម្រើសញ្ជាតិក្រអាតរូបនេះផងដែរ។

គួរបន្ថែមផងដែលថា Luka Modric បានចូលរួមជាមួយ Real Madrid យាំងពីឆ្នាំអំឡុងឆ្នាំ២០១២មកម្លេះ ពោលគ្រានោះក្លឹបអធិរាជសបានចាយប្រមាណ៣៥លានអឺរ៉ូដើម្បីអាចនាំយករូបគេពីក្លឹបមាន់ខ្នាយមាស Tottenham Hotspur ខណៈប្រគិតចាប់តាំងពីការចាកចេញពីក្លឹបក្នុងប្រទេសអង់គ្លេសមកចូលរួមជា Real Madrid Modric បានសាងអនុស្សាវរីយ៍ល្អៗជាមួយក្លឹបក្នុងប្រទេសអេស្ប៉ាញបានច្រើនផងដែរ៕