ការពិតណាស់វិស័យកីឡាករបាល់ទះក្នុងប្រទេសកម្ពុជាកំពុងតែរីកចម្រើនជាខ្លាំង ហើយក្លឹបក៏ដូចជាសមាគមន៍កីឡាបាល់ទះនីមួយៗនាំយកកីឡាករល្អៗមកពីបណ្ដាលប្រទេសផ្សេងៗមកជួយក្រុម។

យ៉ាងណាមិញថ្មីនេះសមាគមន៍កីឡាបាល់ទះវិសាខាបានធ្វើរឿងដ៏គួរអោយភ្ញាក់ផ្អើរមួយ ដោយវិសាខាបាននាំយកកីឡាករឆ្នើមៗសញ្ជាតិបារាំងចំនួន៣រូបមករួមក្រុមដើម្បីសម្រាប់ការប្រកួត Win+ Streak Volleyball​ Invitational​ នាទឹកដីតៃវ៉ាន់។

ទោះបីជាយ៉ាងណាក៏ដោយបើយោងទៅតាមការលើកឡើងរបស់លោកអាំង សិរីពិសិដ្ឋ បានថា ហេតុដែលវិសាខានាំយកកីឡាករសញ្ជាតិទាំង៣រូបខាងលើមករួមក្រុមគឺដោយសារតែក្លឹបដាក់​ផែន​ការ​យក​ពាន​នៅ​កោះ​តៃវ៉ាន់​ ហើយគោលដៅនេះដើម្បីអោយមានប្រសិទ្ធភាពទាមទារអោយក្លឹបសម្រេចនាំយកកីឡាករលំដាប់កំពូលៗមក​ចូល​រួម​ក្រុម ព្រោះខណៈរៀបចំអនុញ្ញាតិអោយនាំយកកីឡាក​ដោយ​សេរី និង​មិន​កំណត់​កម្រិត​តំបន់​អាស៊ី​ ឬ​ពិភព​លោក​ទេ ឲ្យ​តែ​មាន​លទ្ធភាព​នាំ​ចូល​។

គួរលម្អិតផងដែលថាកីឡាករទាំង៣រូបខាងលើរួមមាន៖

ទី១ កីឡាករ Pierre Toledo ​​​កើត​ឆ្នាំ​២០០០ មក​ពី​ក្លិប Chaumont VB52 នៃ​លីគ​បាល់ទះ​កំពូល​បារាំង​ និង​ជា​អតីត​យុវជន​ជម្រើស​ជាតិ​បារាំងផងដែរ។

ទី២ កីឡាករកូនកាត់អង់គ្លេស-បារាំង Thomas Gill គឺជាកីឡាករដែលមកពីក្លឹបបាល់ទះ Ajaccio នៃ​លីគ​បាល់ទះ​លំដាប់​ទី​២របស់​បារាំង ហើយរូបគេមាន២៤ឆ្នាំនឹងកម្ពស់១.៩៨ម៉ែត្រ។

ទី៣ កីឡាករសញ្ជាតិ​បារាំង Francois Rebeyrol មាន​កម្ពស់​២.០២​ម៉ែត្រ មក​ពី​ក្លិប Nice Volleyball នៃ​លីគ​​បាល់ទះ​កំពូល​បារាំង ហើយរូបគេមានវ័យ២៥ឆ្នាំនឹងជាកីឡាករជម្រើសជាតិបារាំងផងដែរ។

គួរបន្ថែមផងដែលថាកីឡាករទាំងរូបខាងលើគឺមកចូលរួមក្រុមសមាគមន៍កីឡាករបាល់ទះវិសាខារយៈពេលខ្លីប៉ុនណ្ណោះ ពោលគឺវិសាខានាំយកមកសម្រាប់ការប្រកួតការប្រកួតធំមួយដែលរៀបចំឡើងដោយក្លឹបបាល់ទះ Win Streak របស់តៃវ៉ាន់ ហើយក៏នាំយកមកដើម្បីសម្រេចគោលដៅរួមជូនអ្នកគាំទ្របាល់ទះកម្ពុជាគ្រប់គ្នាផងដែរ៕