អ្នកចាត់ការ ក្រុម Manchester United លោក Eric ten Hag បានជំរុញឱ្យ Andre Onana បង្កើនទម្រង់លេងរបស់គាត់ ដូច Peter Schmeichel និង David de Gea ធ្លាប់បានធ្វើ គឺពួកគេចាប់ផ្ដើមដំបូងក៏មិនសូវល្អនោះដែរ។

អ្នកចាំទីសញ្ជាតិកាមេរូន បង្ហាញ​ទម្រង់​លេង​អន់យ៉ាង​ខ្លាំង​ក្នុង​រដូវ​កាល​ដំបូង​របស់​គេ​ជាមួយ Manchester United ចាប់​តាំង​ពី​បាន​ចូល​រួម​ក្រុម​ក្នុង​តម្លៃ 47 លាន​ផោន​ដើម្បី​ជំនួស​តំណែង David de Gea។

ប៉ុន្តែម្តងម្កាលគាត់បង្ហាញកំហុសរបស់គាត់ ហើយបានដើរតួយ៉ាងសំខាន់ក្នុងការធ្វើឱ្យក្រុមចាញ់ទាំងពីរប្រកួតក្នុង UEFA Champions League រួមទាំងការប្រកួតថ្មីៗដែលក្រុមត្រលប់មកយកឈ្នះ Brentford 2-1 ប៉ុន្តែការចាញ់គ្រាប់បាល់របស់គាត់ត្រូវបានគេនិយាយយ៉ាងខ្លាំងសូម្បីតែ Peter Schmeichel បានចង្អុលបង្ហាញពីបញ្ហាជាមួយនឹងជំនាញស៊ុតបញ្ចូលទីរបស់គាត់។

ជាមួយគ្នានេះ Ten Hag ក៏បានផ្តល់បទសម្ភាសន៍ថ្មីៗនេះ ដោយជំរុញឱ្យ Onana ត្រលប់មកវិញ និងបង្ហាញទម្រង់លេងដ៏ល្អ ដោយលើកឧទាហរណ៍ពីអ្នកចាំទីជើងចាស់ពីររូបរបស់ក្រុម Schmeichel និង De Gea ពួកគេបាននិយាយថាពួកគេក៏មានការចាប់ផ្តើមមិនល្អផងដែរ មុនពេលក្លាយជាអ្នកចាំទីល្អបំផុត។