* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
ក្រុមជម្រើសជាតិជប៉ុនអស់ឪកាសឡើងទៅវគ្គ៨ក្រុមចុងក្រោយក្នុងព្រឹត្តិការណ៍ World Cup ឆ្នាំ២០២២ នៅប្រទេសកាតា
ក្រុមជម្រើសជាតិជប៉ុនអស់ឪកាសឡើងទៅវគ្គ៨ក្រុមចុងក្រោយក្នុងព្រឹត្តិការណ៍ World Cup ឆ្នាំ២០២២ នៅប្រទេសកាតា បន្ទាប់ពីលេង១២០នាទី ស្មើគ្នាជាមួយក្រុមជម្រើសជាតិក្រូអាតក្នុងលទ្ធផលស្មើ ១ទល់នឹង១ ហើយដល់វគ្គ បាល់ប៉េណាល់ទីចាញ់ក្នុងលទ្ធផល ៣ទល់នឹង១ ។ 
លោក Hajime Moriyasu គ្រូបង្វឹករបស់ក្រុមជម្រើសជាតិជប៉ុនបាននិយាយថា ៖ “ខ្ញុំបានសុំឱ្យកីឡាករសម្រេចចិត្តលើការទាត់បាល់ពិន័យដោយខ្លួនឯង។ ពិតណាស់ពួកគេបានខិតខំយ៉ាងខ្លាំង។ ហើយស្ថិតនៅក្រោមសម្ពាធយ៉ាងខ្លាំង ហើយខ្ញុំសូមសរសើរដល់ក្រុមដែលបានខិតខំប្រឹងប្រែង។ ហើយយើងត្រូវតែទទួលយកលទ្ធផល។ យើងមិនចុះចាញ់នឹងសម្ពាធទេ។ ខ្ញុំមិនគិតដូច្នេះទេ។ ខ្ញុំគិតថាអ្នកចាំទីក៏អស្ចារ្យដែរ។ ហើយកីឡាករដែលទាត់បាល់ប៉េណាល់ទីបានបង្ហាញភាពក្លាហានរបស់ពួកគេ”។
គាត់បានបន្ថែមទៀតថា៖ “ក្នុងការប្រកួតនេះ យើងពិតជាចង់ឈ្នះ។ ប៉ុន្តែបើតាមលទ្ធផលនៃការប្រកួតវិញគឺពិតជាខកចិត្តណាស់។ ប្រហែលជាមានវាសនាបែបនេះហើយ។ ប៉ុន្តែនៅទីបំផុត វាមិនបានបដិសេធរាល់ការខិតខំរបស់យើងទេ”។
សម្រាប់ក្រុមជម្រើសជាតិជប៉ុន ត្រូវខកចិត្តពីវគ្គ១៦ក្រុមចុងក្រោយក្នុងព្រឹត្តិការណ៏ World Cup ចំនួន៤ដងរួចមកហើយ ពោលគឺនៅក្នុងឆ្នាំ ២០០២,២០១០,២០១៨ និង ២០២២ ប៉ុន្តែទម្រង់លេងរបស់ក្រុមជម្រើសជាតិជប៉ុនកាលយប់មិញនេះ បានធ្វើឱ្យអ្នកគាំទ្របាល់ទាត់អាស៊ីមានការចាប់អារម្មណ៍យ៉ាងខ្លាំង ទោះបីជាអស់ឪកាសឡើងទៅវគ្គ៨ក្រុមចុងក្រោយក៏ដោយ ។
