ខ្សែប្រយុទ្ធស្លាបរបស់ Manchester United Alejandro Garnacho រកបានពីរគ្រាប់ក្នុងជ័យជម្នះ 3-2 របស់បិសាចក្រហមលើ Aston Villa នៅ Old Trafford ហើយ Garnacho បានហៅពេលវេលានេះថាជាថ្ងៃដ៏ល្អបំផុតនៃជីវិតរបស់គាត់។

Manchester United ត្រូវបាន Aston Villa នាំមុខ 2ទល់នឹង0 នៅវគ្កទី1 ដែលស៊ុតបញ្ចូលទីដោយ John McGinn នៅនាទីទី 21 និង Leander Dendoncker នៅនាទីទី 26  ទោះ​ជា​យ៉ាង​ណា បីស៊ាចក្រហមក៏អាច វាយបកមកវិញបាននៅវគ្កទី2។

បិសាចក្រហមរកបានបីគ្រាប់ជាថ្នូរមកវិញ ដោយAlejandro Garnacho រកបានពីរគ្រាប់ នៅនាទីទី 59 និង 71  ទន្ទឹមនឹងនេះដែរ Rasmus Hojlund បានស៊ុតបញ្ចូលទីគ្រាប់ទី 3 សម្រេចសម្រាប់ជ័យជម្នះរបស់ Man United  ដែលបានកត់ត្រាគ្រាប់បាល់ដំបូងរបស់គាត់នៅក្នុងក្របខ័ណ្ឌ Premier League ។

ដោយជោគជ័យក្នុងការចាប់ផ្តើមមកវិញរបស់បីស៊ាចក្រហម ជាមួយនឹងគ្រាប់បាល់ដែលគាត់បានស៊ុតបញ្ចូលទី មិនមែនត្រឹមតែមួយគ្រាប់ប៉ុណ្ណោះទេប៉ុន្តែពីរគ្រាប់ Alejandro Garnacho បានសង្កត់ធ្ងន់ថាក្រុមរបស់គាត់បាន ត្រលប់មកវិញ ដ៏អស្ចារ្យមួយ ដោយសារតែក្រុមបិសាចក្រហមមិនដែលបោះបង់ឡើយ ទោះបីជាពួកគេត្រូវគូរប្រកួតនាំមុខក៏ដោយ។

Alejandro Garnacho បាន ​និយាយ ​ថា ​៖ «​វា​មាន​អារម្មណ៍​អស្ចារ្យ​ យើង​គឺ Manchester United  យើង​តាម​ពីក្រោយ 0-2 ប៉ុន្តែ​យើង​មិន​ដែល​ចុះចាញ់​ទេ នេះ​ជា ការ​ត្រលប់​មកវិញ ​ដ៏​អស្ចារ្យពីក្រុមរបស់ពួកយើង ​» ​។