* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
ជាលើកដំបូងក្នុងប្រវត្តិសាស្ត្របាល់ទាត់ពិភពលោកដែលមានក្រុមតំណាងឲ្យទ្វីបអាស៊ីឡើងទៅវគ្គ១៦ក្រុមចុងក្រោយ រហូត ទៅដល់៣ក្រុម.........
ក្រុមទាំងបីតំណាងទ្វីបអាស៊ី សុទ្ធតែទទួលបានលទ្ធផលដ៏គាប់ចិត្តនាជំនួបចុងក្រោយក្នុងពូលរៀងៗខ្លួន ដែលអាចធ្វើឲ្យក្រុមតំណាងទ្វីបអាស៊ីទាំងបីនេះឡើងទៅដល់វគ្គ ១៦ក្រុមចុងក្រោយក្នុងពានរង្វាន់ FIFA world cup 2022 នៅប្រទេសកាតា ក្នុងនោះរួមមាន ៖
១. អូស្តា្រលី
ក្រុមជម្រើសជាតិអូស្រា្តលី ដែលបានឈានទៅកាន់វគ្គ 16 ក្រុមចុងក្រោយ បន្ទាប់ពីពួកគេធ្វើបានយ៉ាងល្អនៅក្នុងពូល D ដោយចាញ់ 1 ប្រកួតនឹងឈ្នះវិញ 2 ប្រកួត។ ហើយនឹងត្រូវជួបអាហ្សង់ទីននៅក្នុងការប្រកួតវគ្គ ១៦ក្រុមចុងក្រោយ នៅម៉ោង២ យប់នេះ។
▪️ចាញ់បារាំង 4-1
▪️ឈ្នះទុយនីស៊ី 1-0
▪️ឈ្នះដាណឺម៉ាក 1-0
២. ជប៉ុន
ក្រុមសាំមូរ៉ៃខៀវជប៉ុនបញ្ចប់ចំណាត់ថ្នាក់កំពូលតារាងនៃពូល E នៃព្រឹត្តិការណ៍ World Cup 2022 ប្រទេសកាតា ហើយនេះក្លាយជាលើកដំបូងសម្រាប់ជប៉ុនដែលបានឡើងទៅកាន់វគ្គ ១៦ក្រុម ២លើកជាប់គ្នាគិតត្រឹម World Cup 2018 មក ហើយនឹងត្រូវជួបក្រូអាស៊ីនៅការប្រកួតវគ្គជម្រុះ ១៦ក្រុមបន្ទាប់។
▪️ជប៉ុនឈ្នះអាល្លឺម៉ង់ ២-១
▪️ជប៉ុនចាញ់កូស្តារីកា ១-០
▪️ជប៉ុនឈ្នះអេស្ប៉ាញ ២-១ 
៣. កូរ៉េខាងត្បូង
ក្រុមជម្រើសជាតិកូរ៉េខាងត្បូងបង្កើតភាពភ្ញាក់ផ្អើល ទៅកាន់ពិភពលោកក្នុងនាមជាក្រុមទីបីមកពីទ្វីបអាស៊ី ឡើងវគ្គ ១៦ក្រុមចុងក្រោយជាលើកទី៣ ក្នុងប្រវត្តិសាស្ត្រខ្លួននៅ World Cup ដោយលើកដំបូងនៅឆ្នាំ ២០០២ និងលើកទីពីរឆ្នាំ ២០១០ បន្ទាប់ពីបានយកឈ្នះ ព័រទុយហ្កាល់ ២-១ កាលពីយប់មិញ ។
▪️ស្មើជាមួយអ៊ុយរូហ្គាយ ០-០
▪️ចាញ់ហ្គាណា ៣-២
▪️ឈ្នះ ព័រទុយហ្កាល់ ២-១
