ខ្សែប្រយុទ្ធចំណូលថ្មីរបស់ក្លិបញញួរយក្ស West Ham អះអាងថាខ្លួនបានបដិសេធសំណើររបស់ក្លិបយក្សតោខៀវ Chelsea ដោយសម្រេចមកចូលរួមជាមួយ West Ham United វិញ។

យ៉ាងណាមិញយោងទៅតាមការចុះផ្សាយដោយសារពត៌មាន Goal បានអោយដឹងថា West Ham ហ៊ានឲ្យ​តម្លៃ​ខ្លួន​ថ្លៃ​ច្រើន​ជាង​ Chelsea ដោយភាគីខាង Chelsea ផ្ដល់ជូនត្រឹមតែ ២៧លានដុល្លារប៉ុនណ្ណោះសម្រាប់ខ្សែប្រយុទ្ធវ័យ២០រូបនេះ ខណៈដែលក្លិបញញួរយក្ស West Ham ហ៊ានផ្ដល់ឲ្យ Wahi រហូតដល់ទៅ ៣៨លានដុល្លារឯណោះដែលជាហេតុធ្វើអោយរូបគេសម្រេចចិត្តចូលរួមជាមួយ West Ham សម្រាប់រដូវកាល២០២៣-២០២៤នេះ។

ទោះបីជាយ៉ាងណាក៏ដោយ Wahi ជឿជាក់ថាគេកំពុងសម្រេចចិត្តបានយ៉ាងត្រឹមត្រូវ ការដែលចូលរួមជាមួយ West Ham អាចនិងមានឪកាសច្រើនក្នុងការបង្ហាញខ្លួន ជាជាងទៅចូលរួមជាមួយតោខៀវ Chelsea ដែលជាក្លិបពោលពេញទៅដោយកីឡាករឆ្នើមៗជាច្រើន។

គួរបន្ថែមផងដែលថា  Elye Wahi គឺជាយុវជនឆ្នើមដែលដុះចេញពីថ្នាលយុវជនរបស់ក្លិបបាល់ទាត់ Montpellier ខណៈដែលរូបគេបានបង្ហាញខ្លួនក្នុងក្រុមធំ Montpellier តាំងពីរូបគេមានវ័យត្រឹមតែ១៧ឆ្នាំមកម្លេះ ដោយគិតមកទល់បច្ចុប្បន្នរូបមានបទពិសោធក្នុងលីគកំពូលបារាំងរយៈពេល៣រដូវកាលទៅហើយ៕