ជាការពិតក្លឹបបាល់ទាត់ Terrenganu បានរងបរាជ័យក្នុងដីរបស់ខ្លួនដោយលទ្ធផល៣ទល់និង២ក្រោមថ្វីជើងក្លឹបយក្សរបស់កម្ពុជាព្រះខ័នរាជស្វាយរៀងសម្រាប់ជើងទី១នៃពានរង្វាន់ Asean Club Championship Shopee Cup ។

យ៉ាងណាមិញក្រោយបរាជ័យក្នុងដីរបស់ខ្លួនបែបនេះអ្នកគាំទ្ររបស់ក្លឹប Terrenganu Fc បាននាំគ្នារិះគន់យ៉ាងចាស់ដៃទៅក្រុមជាពិសេសនោះអ្នកគាំទ្រមានចេតនាចង់អោយក្លឹបបណ្ដេញគ្រូបង្គោលបច្ចុប្បន្នរបស់ក្លឹបលោក Tomislav Steinbrückner ចេញពីដំណែងតែម្ដង។

ទោះបីជាយ៉ាងណាក៏ដោយគ្រូបង្គោលសញ្ជាតិក្រូអាតរូបនេះ មិនទាន់ចម្លើយបកស្រាយទៅកាន់អ្នកគាំទ្របានឡើយថាហេតុអ្វីបានជាលោកសម្រេចចិត្តមិនប្រើប្រាស់កីឡាករសញ្ជាតិក្រូអាច Ivan Mamut ដែលជាកីឡាករមានតម្លៃខ្លួនខ្ពស់ជាងគេនៅក្នុងក្រុម។

គួរបន្ថែមផងដែលថាខ្សែប្រយុទ្ធក្រូអាត Ivan Mamut ត្រូវបានអ្នកគាំទ្រចាត់ទុកថាជាកម្លាំងដល់សំខាន់របស់ក្លឹបបាល់ទាត់ Terrenganu ខណៈពឹងផ្អែកលើបទពិសោធន៍ Ivan ក៏ធ្លាប់ជាប់ជម្រើសជាតិក្រូអាតអាយុក្រោម១៩ឆ្នាំផងដែលកាលពីឆ្នាំ២០១៦៕