ក្លិបព្រះខ័នរាជស្វាយរៀងជាក្លិបតំណាងកម្ពុជា ដែលចូលរួមការក្រកួតពានរង្វាន់​ជើង​ឯក​តំបន់​អាស៊ាន ASEAN Club Championship-Shopee Cup 2024/2025 ។ ដោយក្នុងពានរង្វាន់ Shopee Cup នេះ ព្រះខ័នរាជស្វាយរៀង ស្ថិតក្នុងពូល A ជាមួយ BG Pathum United FC របស់ថៃ , Terengganu FC របស់ម៉ាឡេស៊ី, PSM Makassar របស់ឥណ្ឌូនេស៊ី , Đông Á Thanh Hóa FC របស់វៀតណាម និង Shan United FC របស់មីយ៉ាន់ម៉ា ។

ពានរង្វាន់​ជើង​ឯក​តំបន់​អាស៊ាន នេះ​ធ្លាប់​រៀបចំ​ឡើង​២​លើក​មកហើយ ដោយ​ក្នុង​ឆ្នាំ​២០០៣ ជើង​ឯក​បាន​ទៅ​ក្រុម East Bengal របស់​ឥណ្ឌា ក្រោយ​យក​ឈ្នះ​ក្រុម BEC Tero Sasana របស់​ថៃ នៅ​វគ្គ​ផ្ដាច់ព្រ័ត្រ ក្នុង​ទីក្រុង​ហ្សាកាតា ប្រទេស​ឥណ្ឌូណេស៊ី ហើយ​​ឆ្នាំ​២០០៥ ជើង​ឯក​បាន​ទៅ​ក្រុម Tampines Rovers របស់​សិង្ហបុរី ក្រោយ​យក​ឈ្នះ​លើ​ក្រុម ​Pahang FA របស់​​ម៉ាឡេស៊ី ដោយ​លទ្ធផល ៤-២ នៅ​ទីក្រុង​បានដារសេរីបេហ្គាវ៉ាន់ ប្រទេស​ប្រ៊ុយណេ។

ចំណែក​ក្រុមតំណាង​ឱ្យ​កម្ពុជា ដែលធ្លាប់ចូលរួម​ក្នុង​ពានរង្វាន់​នេះកាលពីឆ្នាំ២០០៣ គឺគឺក្រុម ​Samart United (បច្ចុប្បន្ន​ភ្នំពេញក្រោន) នឹង​នៅ​ឆ្នាំ​២០០៥ ​ក្រុម​ណាហ្គាខប(បច្ចុប្បន្ន ណាហ្គាវើល៍) ក៏បានចូលរួមផងដែរ ។
 

យ៉ាងណាមិញសម្រាប់ក្លិបដែលចូលរួមពានរង្វាន់​ជើង​ឯក​តំបន់​អាស៊ាន Shopee Cup ឆ្នាំ២០២៤-២៥ ក៏ទទួលបានអត្ថប្រយោជន៍ច្រើនគួរសមដូចជា ៖
- ការដំទ្បើងផ្ទាំងផ្សាយពាណិជ្ជកម្ម LED ដោយឥតគិតថ្លៃនៅកីឡដ្ឋាន...
- មិនមានថ្លៃភ្លើងសម្រាប់ដំណើរផ្សាយពាណិជ្ជកម្ម LED ខណៈដែលអ្នករៀបចំផ្តល់ម៉ាស៊ីនភ្លើងផ្ទាល់ខ្លួន...
- ការធានារ៉ាប់រងលើការធ្វើដំណើរ និងស្នាក់នៅ សម្រាប់ការប្រកួតនៅក្រៅដី៖ ថ្លៃសំបុត្រយន្តហោះទៅមក និងសណ្ឋាគារលំដាប់ផ្កាយ ៥ សុទ្ធតែត្រូវបានឧបត្ថម្ភ...
- ក្លិបនីមួយៗទទួលបានថវិកា ១ ម៉ឺនដុល្លារ បន្ទាប់ពីការប្រកួតនីមួយៗ ហើយក៏កើនទ្បើងអាស្រ័យលើលទ្ធផលរបស់ពួកគេផងដែរ.។