គ្រូបង្វឹកក្រុមបាល់ទាត់ជម្រើសជាតិកម្ពុជាអាយុក្រោម ១៩ឆ្នា លោក ភា សុភក្រ្តា បានប្រកាសលាលែងតំណែងជាផ្លូវការ នៅព្រឹកថ្ងៃទី២៦ ខែកក្កដា ឆ្នាំ២០២៤ ។

កាពិតណាស់ លោក ភា សុភក្រ្តា បានដឹកនាំក្រុមជម្រើសជាតិកម្ពុជា U19 ក្នុងព្រឹត្តិការណ៍បាល់ទាត់យុវជនអាស៊ាន AFF U19 Boy's Championship 2024 នៅប្រទេសឥណ្ឌូនេស៊ី ។ ដោយលោកបានដឹកនាំក្រុម U19កម្ពុជា ទទួលបានលេខ២ក្នុងពូល A នឹងរកបាន៣ពិន្ទុ ក្រោយពីទីម័រខាងកើត ៣-2 ,ចាញ់ឥណ្ឌូនេស៊ី ២-០ និងឈ្នះហ្វីលីពីន ១-0 ។

ក្រោយចប់ភារកិច្ចលោក លោក ភា សុភក្រ្តា បានសរសេរបង្ហោះលើបណ្ដាញសង្គមផ្ទាល់ខ្លួនលោកថា « ចាប់ពីពេលនេះអ្នកទាំងអស់គ្នាអាចបំភ្លេចឈ្មោះខ្ញុំបានពីបាល់ទាត់ជម្រើសជាតិ #តែសូមកុំឈប់គាំទ្របាល់យើងអោយសោះ
សូមអរគុណការគាំទ្រ និងមតិយោបល់របស់បងប្អូន🙏
ជាចុងក្រោយសូមរក្សាភាពថ្លៃថ្នូរដល់អាជីពដែលមានវិជ្ជាជីវៈមួយនេះសម្រាប់អ្នកបន្ទាប់ "Respect" »។

គួរបញ្ជាក់ផងដែរថា លោក ភា សុភក្រ្តា ជាគ្រូបង្វឹកម្នាក់​ដែល​សញ្ញាបត្រ A-License និង​មាន​ចំណេះ​ជំនាញ​ទូលំទូលាយ​ផ្នែក​បាល់ទាត់ ជា​ពិសេស​លោក​ត្រូវ​បាន​គេ​ដឹង​ថា មាន​ជំនាញ​ខាង​វិភាគ និង​អត្ថាធិប្បាយ​បាល់ទាត់។ ហើយនេះ​ជា​លើក​ទី១​ដែល​លោក ភា សុភក្ត្រា ​បាន​ដឹក​នាំ​ក្រុម​ជម្រើស​ជាតិ​កម្ពុជា​ក្នុង​នាម​ជា​គ្រូ​បង្គោល។ កន្លង​មក​ លោក​ធ្លាប់​តែ​ជា​ជំនួយ​ការ​គ្រូ​បង្វឹក​ទាំង​ក្រុម​ជម្រើស​ជាតិ​យុវជន និង​ក្រុម​ធំ​ដែល​​លោក​បាន​ធ្វើ​ជា​ច្រើន​ឆ្នាំ​មក​ហើយ។