Manchester United ​បង្កើត​កំណត់ត្រា​ថ្មី​ដោយ​ក្លាយ​ជា​ក្រុម​ម្ចាស់​ផ្ទះ​ក្នុង​ពាន English Cup 12 ប្រកួត​ជាប់​គ្នា។

ក្រុមបិសាចក្រហមទើបតែបានយកឈ្នះលើក្រុម Crystal Palace ក្នុងលទ្ធផល 3-0 ក្នុងការប្រកួតពានរង្វាន់ Carabao Cup ជុំទី 3 ហើយក្រោយមកក្នុងជុំទី 4 ពួកគេត្រូវបានចាប់ឆ្នោតឱ្យទៅលេងនៅទឹកដី Old Trafford ដើម្បីជួបក្រុម NewCastle ។

ការដែលអាចស្វាគមន៍ក្រុម Newcastle នៅផ្ទះបាននាំឱ្យ Manchester United បង្កើតកំណត់ត្រានៃការផ្គូផ្គងធ្វើជាម្ចាស់ផ្ទះក្នុង Cup សម្រាប់ការប្រកួតទី 12 ជាប់ៗគ្នា។ ស្ថិតិ​នេះ​មិន​រាប់​បញ្ចូល​ការ​ប្រកួត​វគ្គ​ពាក់​កណ្តាល​ផ្តាច់​ព្រ័ត្រ​នៃ​ពាន Carabao Cup ដែល​ត្រូវ​លេង​ពីរ​ប្រកួត​គឺ​ក្នុង​ដី និង​ក្រៅ​ដី។

ខណៈដែលកំណត់ត្រាពីមុនជាកម្មសិទ្ធិរបស់ Shrewsbury Town  ដែលត្រូវបានចាប់ធ្វើជាម្ចាស់ផ្ទះក្នុងពែងសម្រាប់ 11 ប្រកួតជាប់គ្នារវាងឆ្នាំ 2017 និង 2019 ។