Erling Haaland បានបង្កើតប្រវត្តិសាស្ត្រម្តងទៀត ដោយពេលនេះក្លាយជាអ្នកស៊ុតបញ្ចូលទីច្រើនជាងគេបំផុតរបស់ន័រវេសក្នុងការប្រកួតអន្តរជាតិលើកទី 36 របស់គាត់។ ខ្សែប្រយុទ្ធ Manchester City ពេលនេះបានស៊ុតបញ្ចូលទីបាន 34 គ្រាប់ បំបែកកំណត់ត្រាចាស់ដែលធ្លាប់ឈររយៈពេល 90 ឆ្នាំ។

Erling Haaland ស៊ុតបញ្ចូលទីបានពីរគ្រាប់ក្នុងជ័យជម្នះ 3-0 របស់ន័រវេសលើស្លូវេនីក្នុង Nations League ដែលធ្វើឱ្យគាត់ក្លាយជាអ្នកស៊ុតបញ្ចូលទីច្រើនជាងគេគ្រប់ពេលសម្រាប់ក្រុមជម្រើសជាតិន័រវេស។ក្នុងការប្រកួតនៅកីឡដ្ឋាន Ullevaal Haalandក៏បានដឹកនាំក្រុមក្នុងនាមជាប្រធានក្រុមជំនួស Martin Odegaard ដែលអវត្តមានដោយសាររបួស។

Haaland បាន​និយាយ​ក្នុង​បទសម្ភាសន៍​បន្ទាប់​ពី​ការ​ប្រកួត​ថា​៖ «​ពិត​ណាស់ វា​ធំ និង​ជា​ប្រវត្តិសាស្ត្រ​។ ខ្ញុំ​សប្បាយ​ចិត្ត ហើយ​វា​ជា​កំណត់ត្រា​ដ៏​អស្ចារ្យ​មួយ​ដើម្បី​សម្រេច​បាន... ខ្ញុំ​នៅ​មាន​ពេល​ច្រើន​ឆ្នាំ​ទៀត​។ ខ្ញុំ​រីករាយ​ជាមួយ​វា​» ។