Cristiano Ronaldo  បន្ទាប់ពីបានបញ្ចប់កិច្ចសន្យាជាមួយក្លឹប  Manchester United កាលពីដើមខែនេះ ត្រូវបានគេរាយការណ៍ថាបានយល់ព្រមលើកិច្ចសន្យា  173 លានផោន ក្នុងមួយឆ្នាំដែលជាតម្លៃដ៏ថ្លៃបំផុតក្នុងពិភពបាល់ទាត់ជាមួយក្លិប Al Nassr របស់អារ៉ាប៊ីសាអូឌីត នេះបើតាមការចុះផ្សាយរបស់ការសែត   Daily mail ។



សម្រាប់  Ronaldo  បានច្រានចោលការផ្ទេរទៅកាន់ប្រទេសអារ៉ាប៊ីសាអូឌីតកាលពីរដូវក្តៅមុន  ប៉ុន្តែដោយមានការបដិសេធពីក្លឹបល្បីៗនៅអឺរ៉ុបជាច្រើននោះ ដែលធ្វើឲ្យរូបគាត់នឹងធ្វើការផ្លាស់ប្តូរមួយនេះ។

តារាឆ្នើមសញ្ជាតិព័រទុយហ្គាល់  Cristiano Ronaldo  ត្រូវបានគេរាយការណ៍ថាបានយល់ព្រមលើកិច្ចសន្យារយៈពេល 2 ឆ្នាំកន្លះជាមួយក្លិប  Al Nassr របស់ប្រទេសអារ៉ាប៊ីសាអូឌីត  ដែលមានតម្លៃ 172.9 លានផោន ។



ទោះជាយ៉ាងណាក៏ដោយ  Ronaldo នៅតែផ្តោតអារម្មណ៍សម្រាប់ការប្រកួត  World Cup នៅប្រទេសកាតា ​ ជុំវិញការផ្ទេមកចូលរួមជាមួយក្លិប  Al Nassr របស់អារ៉ាប៊ីសាអូឌីត មិនទាន់មានការបញ្ចាក់ណាមួយពី  Cristiano Ronaldo ឡើយ។  Al Nassr  គឺជាក្លឹបមួយក្នុងចំណោមក្លឹបដែលទទួលបានជោគជ័យបំផុតនៅអារ៉ាប៊ីសាអូឌីត។ សរុបមកក្លឹបមួយនេះឈ្នះបានជើងឯកលីគចំនួន៩ដងហើយ។