ខ្សែ​ប្រយុទ្ធ​ក្រុម​តោ​ខៀវ​បង្ហើប​ថា កាល​គាត់​នៅ​ក្មេង គាត់​ត្រូវ​បាន​បដិសេធ មិន​ឱ្យ​ចុះ​ហត្ថលេខា​ដោយ​ក្លឹប Copenhagen។

Erling Haaland ខ្សែប្រយុទ្ធដ៏មានទេពកោសល្យរបស់ Manchester City បានបង្ហើបថាគាត់ធ្លាប់បានទៅសាកល្បងជាមួយ FC Copenhagen ប៉ុន្តែត្រូវបានបដិសេធ ។

ក្បាលម៉ាស៊ីនទូកក្តោងខៀវ ចាត់​ទុក​ថា​ជា​ខ្សែ​ប្រយុទ្ធ​ដ៏​ឆ្នើម​ម្នាក់​ក្នុង​សម័យ​នេះ។ ដោយស៊ុតបញ្ចូលទីបាន 80 គ្រាប់នៅ Premier League ពីការបង្ហាញខ្លួនត្រឹមតែ 84 លើកសម្រាប់ក្រុមតោខៀវ។ ទោះបីជាយ៉ាងណាក៏ដោយ គាត់បានបង្ហើបថា កាលពីគាត់នៅក្មេង គាត់ត្រូវបានគេច្រានចោលពីការចុះហត្ថលេខាដោយក្រុមដ៏ល្បីល្បាញនៅក្នុងលីកដាណឺម៉ាក។

គួរបញ្ជាក់ផងដែរថា Haaland មាន​ឱកាស​ប្រកួត​ជាមួយ​ក្រុម Copenhagen ក្នុង​ការ​ប្រកួត UEFA Champions League វគ្គ ១៦ ក្រុម​ជើង​ទី ២ នៅ​យប់​នេះ ក្រោយ​ពី​ជើង​ទី ១ Manchester City ឈ្នះ ៣-១។