* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
តោះមកដឹងទាំងគ្នា!! តើប្រទេសណាខ្លះធ្លាប់លើកពាន FIFA World Cup ?
សល់តែ១ថ្ងៃទៀតប៉ុណ្ណោះ!! ការប្រកួតពានរង្វាន់ FIFA World Cup ជាការប្រកួតបាល់ទាត់មួយដ៏ធំរយៈពេល ៤ឆ្នាំម្ដង ដែលបានបង្កើតឡើងតាំងពីឆ្នាំ ១៩៣០ មកម្ល៉េះ នឹងត្រូវចាប់ផ្តើមការប្រកួតហើយ។ សម្រាប់ការប្រកួតនេះមានប្រទេសជាច្រើនដែលបានចូលរួម តែប្រទេសដែលបានលើកពានមួយនេះមិនស្រូវមានច្រើនទេ ដោយមានតែប្រទេសចំនួន៨ប៉ុណ្ណោះធ្លាប់លើកពានមួយនេះ។
បន្ទាប់ពីការរង់ចាំអស់រយៈពេល 4 ឆ្នាំ ក្រុមបាល់ទាត់ជម្រើសជាតិមកពី៣២ប្រទេសជុំវិញពិភពលោកនឹងធ្វើការប្រកួតប្រជែងគ្នាម្តងទៀតដើម្បីកំណត់ថាតើប្រទេសណាជាអ្នកលើកពានរង្វាន់ FIFA World Cup ឆ្នាំ ២០២២ នេះ ។
ខាងក្រោមនេះគឺជាក្រុមជម្រើសជាតិទាំង៨ ដែលធ្លាប់លើកពានរង្វាន់មួយនេះ ៖
១. ក្រុមជម្រើសជាតិប្រេស៊ីល៖ ធ្លាប់ឈ្នះ៥ដង នៅក្នុងឆ្នាំ១៩៥៨, ឆ្នាំ១៩៦២, ឆ្នាំ១៩៧០, ឆ្នាំ១៩៩៤ និងឆ្នាំ២០០២។
២. ក្រុមជម្រើសជាតិអាល្លឺម៉ង់៖ ធ្លាប់ឈ្នះ៤ដង នៅក្នុងឆ្នាំ១៩៥៤, ឆ្នាំ១៩៧៤, ឆ្នាំ១៩៩០ និងឆ្នាំ២០១៤។
៣. ក្រុមជម្រើសជាតិអ៊ីតាលី៖ ធ្លាប់ឈ្នះ៤ដង នៅក្នុងឆ្នាំ១៩៣៤, ឆ្នាំ១៩៣៨, ឆ្នាំ១៩៨២ និងឆ្នាំ២០០៦។
៤. ក្រុមជម្រើសជាតិអាហ្សង់ទីន៖ ធ្លាប់ឈ្នះ២ដង នៅក្នុងឆ្នាំ១៩៧៨ និងឆ្នាំ១៩៨៦។
៥. ក្រុមជម្រើសជាតិអ៊ុយរុយហ្គាយ៖ ធ្លាប់ឈ្នះ២ដង នៅក្នុងឆ្នាំ១៩៣០ និងឆ្នាំ១៩៥០។
៦. ក្រុមជម្រើសជាតិបារាំង៖ ធ្លាប់ឈ្នះ២ដង នៅក្នុងឆ្នាំ១៩៩៨ និងឆ្នាំ២០១៨។
៧. ក្រុមជម្រើសជាតិអង់គ្លេស៖ ធ្លាប់ឈ្នះ១ដង នៅក្នុងឆ្នាំ១៩៦៦។
៨. ក្រុមជម្រើសជាតិអេស្ប៉ាញ៖ ធ្លាប់ឈ្នះ១ដង នៅក្នុងឆ្នាំ២០១០។
