Diogo Dalot បានសរសើរ ការរួមចំណែក របស់ Cristiano Ronaldo ក្នុងការទទួលជ័យជម្នះរបស់ព័រទុយហ្គាល់លើសាធារណរដ្ឋឆេកក្នុងការប្រកួតបើកឆាក Euro 2024 ។

Dalot បាននិយាយថាវត្តមានរបស់ Ronaldo នៅក្នុងក្រុមរបស់គាត់គឺមានសារៈសំខាន់ខ្លាំងណាស់។ ការ​ឆ្លើយ​តប​នេះ​បាន​កើត​ឡើង​បន្ទាប់​ពី​មាន​ការ​ចោទ​សួរ​ទៅ​កាន់​គាត់​ថា​តើ​ខ្សែ​ប្រយុទ្ធ​ជើង​ចាស់​រូប​នេះ​កំពុង​ជួយ​ឬ​រារាំង​ក្រុម​ជម្រើស​ជាតិ​របស់​គាត់?

ក្នុង​ការ​ប្រកួត​ដែល​ធ្វើ​ឡើង​ក្នុង​ទីក្រុង Leipzig ព័រទុយហ្គាល់​បាន​វាយ​បក​តាម​ពី​ក្រោយ​ដើម្បី​យក​ឈ្នះ 2-1។ Francisco Conceicao បាន​ក្លាយ​ជា​វីរបុរស​ដោយ​រក​បាន​គ្រាប់​បាល់​ឈ្នះ​នៅ​នាទី 92។ Conceicao លេងបានត្រឹមតែ 111 វិនាទី បន្ទាប់ពីផ្លាស់ប្ដូរចូល។

តារយៈការប្រកួត CR7 បានបង្កើតឱកាសមាសជាច្រើនពេញការប្រកួត បើទោះបីជាគាត់មិនអាចរកគ្រាប់បាល់បានតែមួយគ្រាប់ក៏ដោយ។ តាមពិតទៅ Cristiano Ronaldo មានឳកាសរកគ្រាប់បាល់ ដោយការ assist របស់ Diogo Jota ប៉ុន្តែជាបាល់  offside ។