ដូចដែលកន្លងមកបងប្អូនបានដឹងហើយថាកីឡាករវ័យក្មេងមួយរូបដែលរះចេញពីក្លឹបបាល់ទាត់ Lille ដែលជាក្លឹបសមាជិកលីគកំពូលបារាំង បានសម្រេចចិត្តផ្លាស់ទៅចូលរួមជាផ្លូបកាលជាមួយក្លឹបម្ចាស់ដី Old Trafford រយៈពេលវែងរួមជាមួយតម្លៃខ្លួនកប់ពពកផងដែរ។

យ៉ាងណាមិញទាក់ទងទៅនឹងរឿងរ៉ាវមុនការសម្រេចចិត្តចូលរួមជាមួយក្លឹបបិសាច​ក្រហម Man United នេះ រូបគេបានលើកឡើងអំពីការជំរុញទឹកចិត្តអោយចុះកិច្ចសន្យាជាមួយបក្សបិសាចបែបនេះថា “ ខ្ញុំ​ដឹង​អំពី​ប្រវត្តិ​កីឡាករ​ក្មេងៗ​នៅ Man United ហើយ​ខ្ញុំមាន​អារម្មណ៍​ថា​វា​អាច​ជា​កន្លែង​ដ៏​ល្អ​ឥត​ខ្ចោះ​ដើម្បី​ឈាន​ដល់​ចំនុចកំពូល និងសម្រេច​បាន​មហិច្ឆតា​របស់​ខ្ញុំផងដែរ ”។

គួរបន្ថែមផងដែលថាកីឡាករ Leny Yoro បច្ចុប្បន្នគេមានវ័យត្រឹមតែ ១៨ឆ្នាំប៉ុនណ្ណោះ ខណៈក្លឹបបិសាចក្រហមព្រោះពេញចិត្តក្នុងការនាំយករូបគេមកបំពេញចន្លោះខ្វះខាតក្នុងក្រុម ក្លឹបហានចំណាយរហូតដល់ទៅ៦២លានអឺរ៉ូរួមជាមួយកិច្ចសន្យារហូតដល់ឆ្នាំ ២០២៩ ព្រមទាំងមានលក្ខណ៍ពិសេសៗផ្សេងទៀតជាច្រើនផងដែរ៕