ក្លិបតោខៀវ Chelsea  ខិតជិតចុះហត្ថលេខាលើខ្សែប្រយុទ្ធ  Mykhailo Mudryk ពីក្លិប Shakhtar Donetsk ក្នុងតម្លៃ 100 លានអឺរ៉ូ នេះបើយោងតាមរបាយការណ៍ដែលទទួលបានដោយ GOAL ។



លើស​ពី​នេះ​ទៅ​ទៀត ​ខាង​កីឡាករ​ក៏​បាន​ព្រមព្រៀង​លើ​កុងត្រា​ផ្ទាល់​ខ្លួន​ផងដែរ ។  Mykhailo Mudryk   នឹងចុះហត្ថលេខាលើកិច្ចសន្យារយៈពេល 7 ឆ្នាំនៅ Stamford Bridge ហើយគាត់គ្រោងនឹងហោះហើរទៅកាន់ទីក្រុងឡុងដ៍ដើម្បីពិនិត្យសុខភាពក្នុងពេលឆាប់ៗនេះ។



ពីមុនក្រុមកាំភ្លើងធំ Arsenal  គឺជាក្លឹបដែលតែងតែបង្ហាញចំណាប់អារម្មណ៍លើខ្សែប្រយុទ្ធ ​ 22 ឆ្នាំរូបនេះ  ហើយកីឡាករខ្លួនឯងផ្ទាល់ក៏ចង់មកទឹកដី  Emirates ផងដែរ   ប៉ុន្តែត្រូវបានជាប់គាំងក្នុងតម្លៃដែលក្លឹបយក្សអ៊ុយក្រែនមួយនេះបានកំណត់ ។ ហើយក៏​បាន​ធ្វើ​សំណើ​មួយ​ចំនួន​រួច​មក​ហើយ ប៉ុន្តែ​ត្រូវ​បាន​គេ​បដិសេធ​មិន​ត្រឡប់​មក​វិញ​ ។



Mudryk គឺជាកីឡាករដ៏ល្អមួយរូប បន្ទាប់ពីទម្រង់លេងដ៏គួរឱ្យចាប់អារម្មណ៍របស់គាត់សម្រាប់ក្លិប  Shakhtar  Donetsk   ជាពិសេសនៅក្នុងក្របខ័ណ្ឌ Champions League  ដែលគាត់បានស៊ុតបញ្ចូលទីបាន 3 គ្រាប់ និងបញ្ជូនបាល់ឱ្យមិត្តរួមក្រុមចំនួន 2 ដងក្នុងការបង្ហាញខ្លួន 6 ប្រកួត។