កីឡាករ Harry Kane របស់​ក្លឹបបាល់ទាត់ FC Bayern Munich កំពុង​មានភាគរយខ្ពស់ក្នុង​ការ​ឈ្នះ​ស្បែក​ជើង​មាស​ប្រចាំ​លីគ​កំពូល​របស់​អឺរ៉ុប ជាលើក​ដំបូង​ក្នុង​ការ​រួម​រស់​ជាមួយ​ក្លឹប​ថ្មីនាទឹកដីអាល្លឺម៉ង់។

យ៉ាងណាមិញគិត​ចាប់​តាំង​ពេល​ដែលគេ​ចាកចេញ​ពី​ក្លឹប​មាន់ខ្នាយ​មាស Tottenham Hotspur កាល​ពី​​រដូវក្តៅ​កន្លង​ទៅ កីឡាករ​សញ្ជាតិ​អង់គ្លេស​រូប​នេះស៊ុត​បញ្ចូល​ទី​បាន 17គ្រាប់ ទាំងដែលចំនួនគ្រាប់បាល់នេះវាច្រើនជាងអ្នកឈ្នះស្បែកជើងមាសរដូវកាលមុនទៅទៀត។

ទោះបីជាយ៉ាងណាក៏ដោយយោងទៅតាមសារពត៌មាន Dailypost បានចុះផ្សាយថា Harry Kane មានភាគរយខ្ពស់ក្នុងការឈ្នះពានរង្វាន់​ស្បែក​ជើង​មាស​ប្រចាំ​លីគ​កំពូល​របស់​អឺរ៉ុប ប្រសិនបើកីឡាករសញ្ជាតិអង់គ្លេសរូបនេះនៅតែរក្សាទម្រង់ដូចបច្ចុប្បន្ន។

គួរបន្ថែមផងដែលគិតត្រឹមពេលនេះស្ថិតិ​គ្រាប់​បាល់​សរុប​របស់​ Kane កំពុង​នាំ​មុខ​អ្នក​ឈ្នះ​ស្បែក​ជើង​មាស​កាល​ពី​រដូវកាល​មុន​ Erling Haaland រហូតដល់ទៅ៤ឯណោះ ខណៈគិតត្រឹមពេលនេះរូបគេមានត្រឹម 13 គ្រាប់ប៉ុណ្ណោះ៕