សារព័ត៌មាន The Sun ដែលជាប្រព័ន្ធផ្សព្វផ្សាយដ៏ល្បីរបស់អង់គ្លេសបានរាយការណ៍ ជម្លោះ​មួយ​បាន​កើត​ឡើង​ក្នុង​ជំរំ​ក្រុម​ជម្រើស​ជាតិ​កូរ៉េ​ខាង​ត្បូង។ មុនការប្រកួតវគ្គពាក់កណ្តាលផ្តាច់ព្រ័ត្រ Asian Cup ឆ្នាំ 2023 ជាមួយហ្សកដានី។

មានសេចក្តីរាយការណ៍មកថា មុនពេលការប្រកួតក្នុងពេលទទួលទានអាហារពេលល្ងាច  Lee Kang-in កីឡាករវ័យក្មេងៗមួយក្រុម បានញ៉ាំអាហារយ៉ាងប្រញាប់ប្រញាល់ ដើម្បីបន្តលេងប៉េងប៉ុង។ ប៉ុន្តែ​ប្រធាន​ក្រុម Son Heung-min បាន​ព្យាយាម​ឃាត់​ឲ្យ​អ្នក​រាល់​គ្នា​នៅ​ប្រជុំ​ង​ក្រុម​មុន​ការ​ប្រកួត​សំខាន់។ ប៉ុន្តែ​ភាគី​ម្ខាង​ទៀត​មិន​ពេញ​ចិត្ត​ជា​ខ្លាំង​ ទើប​ចាប់​ផ្តើម​ឈ្លោះ​គ្នា ដោយភាគីម្ខាងទៀត​មាន Lee Kang-in ខ្សែ​ប្រយុទ្ធ​មក​ពី PSG។

ក្រោយ​មក ស្ថានការណ៍​ចាប់​ផ្តើម​មាន​ការ​ប៉ះ​ទង្គិច​គ្នា​យ៉ាង​ហិង្សា​រវាង​ក្រុម​កីឡាករ​ទាំង​ពីរ ហើយ Son Heung-min របួស​ម្រាម​ដៃ​របស់​ដោយសារទៅឃាត់កីឡាករកីឡាករក្មេងៗកំពុងប្រវាយប្រតប់គ្នា ។

សមាគមបាល់ទាត់កូរ៉េខាងត្បូងបានចេញមុខសារភាពថា ហេតុការណ៍នេះពិតជាបានកើតឡើងមែន។ ទន្ទឹម​នឹង​នេះ អ្នកគាំទ្រ​កូរ៉េខាងត្បូង​បាន​រិះគន់​យ៉ាង​ខ្លាំង​ចំពោះ​អាកប្បកិរិយា​របស់​កីឡាករ​ក្នុង​ក្រុម​នេះ។