ក្រុមកាំភ្លើងធំកំពុងស្ថិតក្នុងការពិភាក្សាកម្រិតខ្ពស់ដើម្បីចុះហត្ថលេខាលើខ្សែបម្រើសញ្ជាតិអង់គ្លេសពីក្លឹប West Ham  ហើយមានឱកាសដែលវានឹងចេញក្នុងពេលឆាប់ៗនេះ។

យោងតាម កាសែត The Guardian បានឱ្យដឹងថា Arsenal គ្រោងនឹងបន្តកិច្ចព្រមព្រៀងតម្លៃ 100 លានផោនសម្រាប់ Declan Rice ដែលជាកំណត់ត្រាក្លឹបថ្មីមួយ។  ខ្សែបម្រើវ័យ 24 ឆ្នាំគឺជាគោលដៅចម្បងរបស់កាំភ្លើងធំសម្រាប់ក្រុមនៅរដូវក្តៅនេះ។ ដោយក្នុងនោះ ពួកគេត្រៀមខ្លួនរួចជាស្រេចក្នុងការបង់ថ្លៃ 90 លានផោន ខណៈដែល West Ham United ចង់បន្ថែមលក្ខខណ្ឌដែលនឹងធ្វើឱ្យតម្លៃកើនឡើងដល់ជាង 100 លានផោននាពេលអនាគត។

ទោះបីជាមិនទាន់មានការផ្តល់ជូនជាផ្លូវការក៏ដោយ ប៉ុន្តែ​ប្រព័ន្ធ​ផ្សព្វផ្សាយ​ដ៏​ល្បី​របស់​អង់គ្លេស​បាន​លាតត្រដាង​ថា ការ​ចរចា​រវាង​ភាគី​ទាំង​ពីរ​កំពុង​ដំណើរការ​ទៅ​យ៉ាង​ល្អ ហើយ​អាច​នឹង​មាន​កិច្ច​សន្យា​ចុះ​ហត្ថលេខា​ក្នុង​ពេល​ឆាប់ៗ​នេះ។

គួរអោយដឹងផងដែរថា ក្នុងស្ថានភាពបែបនេះ ធ្វើឱ្យក្រុមកាំភ្លើងធំបានវ៉ាដាច់ក្រុមយក្សនៃក្របខ័ណ្ឌ Bundesliga ដូចជា Bayern Munich ដែលចាប់អារម្មណ៍ចង់បានក្រុមបាល់ទាត់ជម្រើសជាតិអង់គ្លេសនេះទៅចូលរួមក្រុមផងដែរ ។