សហព័ន្ធ​កីឡា​បាល់ទាត់​ពិភពលោក  (FIFA)  បានអនុម័តទម្រង់ថ្មីសម្រាប់ព្រឹត្តិការណ៍ FIFA World Cup ឆ្នាំ 2026 ដែលសហម្ចាស់ផ្ទះដោយសហរដ្ឋអាមេរិក កាណាដា និងម៉ិកស៊ិក។ ការប្រកួតបាល់ទាត់ពិភពលោកនឹងត្រូវពង្រីកពី 32 ប្រទេសទៅ 48 ប្រទេស ។ 



ថ្មីៗ​នេះ  FIFA  បាន​ចេញ​សេចក្ដី​ថ្លែងការណ៍​បញ្ជាក់​ពី​ទម្រង់​ថ្មី​នោះ៖  “បានកែប្រែទម្រង់ប្រកួតប្រជែង ដើម្បីកាត់បន្ថយហានិភ័យនៃការឃុបឃិត។ ហើយត្រូវប្រាកដថារាល់ ក្រុម​នឹង​លេង​យ៉ាង​ហោច​ណាស់​បី​ប្រកួត​ខណៈ​ពេល​ដែល​ក៏​ផ្តល់​នូវ​ពេល​សម្រាក​ដែល​មាន​តុល្យភាព​ល្អ​រវាង​ការ​ប្រកួត​របស់​ក្រុម​នីមួយៗ”។

សម្រាប់ផែនការថ្មីមានន័យថា ជុំទីមួយនឹងចែកចេញជា 12 ពូល ក្នុងមួយពូលមាន 4 ក្រុម បន្ទាប់មកយក ២ក្រុមកំពូលតារាងឡើងទៅកាន់វគ្គបន្ត ហើយយក ៨ក្រុម ពីចំណាត់ថ្នាក់លេខ៣ល្អបំផុតនឹងឡើងទៅកាន់ជុំទី 32 ។  សម្រាប់ទម្រង់ថ្មីនៃការប្រកួតនឹងកើនឡើងពីការប្រកួតដើម 64 ដល់ 104ប្រកួត ហើយរយៈពេលនៃការប្រកួតនឹងមានរយៈពេលជិត 40 ថ្ងៃ ខណះដែរវគ្គផ្តាច់ព្រ័ត្រនឹងធ្វើឡើងនៅថ្ងៃអាទិត្យ ទី 19 ខែកក្កដា ឆ្នាំ 2026។