គ្រូ​បង្វឹក Ten Hag បាន​និយាយក្នុង​សន្និសីទ​កាសែត​ក្រោយ​ការ​ប្រកួត​ថា ៖“Rashford គឺ​ពិត​ជា​ស្ថិត​ក្នុង​ចំណោម​ខ្សែ​ប្រយុទ្ធ​ល្អ​បំផុត​នៅ​អឺរ៉ុប”។ “ គាត់មានជំនាញស៊ុតបញ្ចូលទីដ៏អស្ចារ្យ។ ខ្ញុំពិតជារំភើបក្នុងការធ្វើការជាមួយ Rashford ហើយខ្ញុំគិតថាខ្ញុំអាចជួយគាត់ឱ្យអភិវឌ្ឍកាន់តែប្រសើរឡើង"។ Rashford នឹងមានសក្ដានុពលដ៏អស្ចារ្យ នៅពេលដែលគាត់ប្រឹងប្រែងអោយខ្លាំង នោះ Rashford នឹងស៊ុតបញ្ចូលទីបានច្រើនជាងមុន ដោយសារតែគាត់មានភាពឈ្លាសវៃ ក្នុងការរកគ្រាប់បាល់បានដោយជើងឆ្វេង ជើងស្តាំ និងក្បាលរបស់គាត់។

Rashford ទើបតែរកបាន ២១ គ្រាប់ក្នុងការប្រកួតទាំងអស់នៅរដូវកាលនេះ ដែលតិចជាងកំណត់ត្រាអាជីពល្អបំផុតរបស់គាត់។ ទោះជាយ៉ាងណាក៏ដោយគ្រូបង្វឹក Ten Hag មានអារម្មណ៍ថាខ្សែប្រយុទ្ធអង់គ្លេសអាចរកគ្រាប់បាល់បានច្រើនជាងនេះ។ Robin van Persie គឺជាកីឡាករចុងក្រោយរបស់ MU ដែលរកបាន 30 គ្រាប់ក្នុងរដូវកាល 2012/13 ។

ទម្រង់លេងដ៏ល្អរបស់ Rashford គឺជាមូលដ្ឋានសម្រាប់ បិសាចក្រហម ធ្វើដំណើរប្រកបដោយទំនុកចិត្តទៅកាន់កីឡដ្ឋាន Camp Nou ដើម្បីជួបជាមួយ Barcelona ក្នុងជើងទីមួយក្នុងវគ្គ Play-off នៃក្របខ័ណ្ឌ Europa League នៅថ្ងៃទី 17 ខែកុម្ភៈ។