អភិបាលនៃអាជ្ញាធរកីឡាថៃ (SAT) លោក Kongsak Yodmanee មានប្រសាសន៍ថា លោកពន្យារពេលការផ្តល់ប្រាក់រង្វាន់ មេដាយប្រាក់ SEA Games លើកទី៣២ ដល់ U22ថៃ ដោយសារកីឡាករ មានការប៉ះទង្គិចគ្នាអំឡុងពេលប្រកួតចាញ់ ២- ៥ទល់នឹង U22 ឥណ្ឌូនេស៊ី។ ទន្ទឹម​នឹង​នេះ ក្រុម​កីឡា​បាល់​ទាត់​នារី​ថៃ​ទទួល​បាន​ប្រាក់​រង្វាន់​ចំនួន ២,១ លាន​បាត ( ៥៩ ០០០ ដុល្លារ ) ជាមួយ​នឹង​មេដាយ​សំរឹទ្ធ។

យោង​តាម ​សារព័ត៌មាន Daily News អត្តពលិក​ដែល​បាន​ឈ្នះ​មេដាយ​ប្រាក់​ទទួល​បាន​ប្រាក់​ចំនួន ១៥ ម៉ឺន​បាត ( ៤,២ ពាន់​ដុល្លារ )។ កីឡាករ U22 ថៃ ២០ នាក់ នឹងទទួលបានប្រាក់រង្វាន់ប្រមាណ ៣ លានបាត ( ៨៥,៦ ពាន់ដុល្លារ ) សម្រាប់មេដាយប្រាក់នៅស៊ីហ្គេមលើកទី៣២។

បើតាមប្រព័ន្ធផ្សព្វផ្សាយថៃ បន្ទាប់ពីក្រុម U22 ត្រឡប់មកមាតុប្រទេសវិញ FAT បានផ្តល់ការពិន័យដល់អ្នកពាក់ព័ន្ធក្នុងការប៉ះទង្គិចគ្នាក្នុងការប្រកួតកីឡាស៊ីហ្គេមលើកទី៣២ ប៉ុន្តែមិនទាន់បានរាយការណ៍មក SAT នៅឡើយទេ។

ជាក់ស្តែងលោក Prasadchok Chokmoh (គ្រូបង្វឹកអ្នកចាំទី) លោក Mayed Madad និងលោក Patrawut Wongsripuek (ប្រធានក្រុម) ត្រូវបានហាមប្រាមមិនអោយចូលរួមក្នុងភារកិច្ចគ្រប់កម្រិតរបស់ក្រុមជម្រើសជាតិថៃរយៈពេល 1 ឆ្នាំ។ មិន​ឈប់​ត្រឹម​នេះ កីឡាករ​ពីរ​រូប​រួម​មាន​អ្នក​ចាំទី Sophonwit Rakyath និង​កីឡាករ​បម្រុង Teerapak Pruengna ទទួល​បាន​បម្រាម​មិន​ឲ្យ​ចូល​រួម​ក្នុង​ក្រុម​ថៃ ៦ ខែ។