* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
សហព័ន្ធបាល់ទាត់បារាំងបានដាក់ពាក្យបណ្តឹងទៅសមាគមបាល់ទាត់អាហ្សង់ទី ចំពោះទង្វើរបស់ Emiliano Martinez ធ្វើដាក់ Kylian Mbappe
លោក Noel Le Graet ប្រធានសហព័ន្ធបាល់ទាត់បារាំង បានដាក់ពាក្យប្តឹងទៅសមាគមបាល់ទាត់អាហ្សង់ទីន ដើម្បីស៊ើបអង្កេតចំពោះទង្វើមិនសមរម្យរបស់អ្នកចាំទី Emiliano Martinez ទៅលើ Kylian Mbappe ក្នុងការអបអរសាទរព្រឹត្តិការណ៍ FIFA World Cup Championship ឆ្នាំ 2022។
ក្នុងព្រឹត្តិការណ៍ FIFA World Cup Championship ឆ្នាំ 2022 នៅប្រទេសអាហ្សង់ទីន កីឡាកររបស់អាហ្សង់ទីន បានអបអរនៃការឈ្នះជើងឯកដោយក្តីរំភើបរីករាយ។ ប៉ុន្តែមានចំណុចមួយនៃការរិះគន់នៅពេលអ្នកចាំទីរបស់ក្លិប Aston Villa ចំអកដាក់ខ្សែប្រយុទ្ធជម្រើសជាតិបារាំង ដោយរូបគេយកមុខរបស់ Mbappe ទៅបិតលើរូបតុក្កតា រួចឡើងឡានដើម្បីអបអរ ដែលធ្វើឲ្យមានការមិនពេញចិត្តជាច្រើនពីអ្នកគាំទ្របាល់ទាត់ និងប្រជាជនបារាំង។
ខណៈប្រធានសហព័ន្ធបាល់ទាត់បារាំងលោក Le Graet បានចាត់ទុកទង្វើរបស់ Martinez ថាជ្រុលពេក។ ដូច្នេះហើយបានផ្ញើលិខិតមួយច្បាប់ទៅប្រធានសហព័ន្ធបាល់ទាត់អាហ្សង់ទីន ដើម្បីស៊ើបអង្កេតលើបញ្ហានេះផងដែរ។ដោយលោក Le Graet បានប្រាប់ Ouest-France ៖ “វាគួរឱ្យភ្ញាក់ផ្អើលណាស់។ ទាំងនេះហើយជាមនុស្សដែលព្យាយាមលះបង់អស់ពីសមត្ថភាពដើម្បីជួយបារាំងឱ្យជោគជ័យ។ នោះហើយជាមូលហេតុដែលវាសំខាន់ដែលយើងគាំទ្រពួកគេ”។ 
គាត់បានបន្ថែម៖ “ខ្ញុំបានសរសេរដាក់ពាក្យបណ្តឹងទៅសមាគមបាល់ទាត់អាហ្សង់ទីន។ ខ្ញុំគិតថាវាមិនធម្មតាទេនៅក្នុងបរិបទនៃការប្រកួតកីឡា ។ ហើយវាពិបាកយល់ណាស់។ រឿងនេះគឺជ្រុលពេកហើយ។ ដោយសារតែអាកប្បកិរិយារបស់ Mbappe តែងតែជាគំរូដ៏ល្អ។
