អ្នកវិភាគបាល់ទាត់ លោក Jamie Carragher បានសារភាពថាខ្សែការពារ Lisandro Martinez របស់ Man United ពិតជាអស្ចារ្យសម្រាប់បិសាចក្រហមក្នុងរដូវកាលនេះ បើទោះបីជាដំបូងលោកមានការព្រួយបារម្ភក៏ដោយ។



អតីតខ្សែការពារ Liverpool រូបនេះដំបូងបាននិយាយថា៖  "បញ្ហាគឺ Ten Hag បានចុះហត្ថលេខា Martinez ខ្ញុំមិនជឿថាវានឹងដំណើរការទេព្រោះគាត់មានកម្ពស់ទាបពេក  គាត់មិនល្អគ្រប់គ្រាន់នៅក្នុង Premier League" ។



រហូត​មក​ដល់​ពេល​ថ្មី​ៗ​នេះ​ Martinez បាន​ចូល​លេង​ឱ្យ​បិសាច​ក្រហម 30 ប្រកួត​គ្រប់​កម្មវិធី ខណៈដែលក្រុមបានបញ្ចប់ក្នុងចំណាត់ថ្នាក់លេខ 3 ក្នុងលីគ   Carragher បានងាកទៅសរសើរកីឡាករ Martinez សម្រាប់ការភ្ញាក់ផ្អើលរបស់គាត់។ទោះបីជាមានការព្រួយបារម្ភចំពោះរាងកាយរបស់ Martinez  ពោលគឺកម្ពស់ 1.75 m របស់គាត់តែម្តង ហើយមានតម្លៃខ្លួនថ្លៃនៅក្នុង Premier League ប៉ុន្តែ Carragher បានបង្ហាញអារម្មណ៍ថា Martinez បានធ្វើឱ្យគាត់ភ្ញាក់ផ្អើល នៅឆ្នាំនេះ។



Martinez ដែល​ជា​ផ្នែក​មួយដែលជួយឲ្យក្រុមជម្រើសជាតិអាហ្សង់ទីន​ឈ្នះ World Cup 2022 ​កាល​ពី​ខែ​ធ្នូ ហើយបាន​ក្លាយ​ជា​ផ្នែក​សំខាន់​នៃ​ប្រព័ន្ធ​ការពារ​កណ្តាលរបស់លោក Erik ten Hag នៅទឹកដី Old Trafford ក្នុង​រដូវ​កាល​នេះ។