ដូចដែលប្រិយមិត្តបានដឹងរួចមកហើយក្របខណ្ឌលីគកំពូលកម្ពុជា (Cambodia Premier League) បានបង្កើតគោលការណ៍ នៃកីទ្បាករកូតាអាស៊ាន និងអាស៊ី ឥឡូវនេះក្លឹបធំៗជាច្រើននៅក្នុងស្រុកខ្មែរកំពុងតែសម្លឹងមើលកីទ្បាករល្អៗនៅក្នុងតំបន់អាស៊ានដើម្បីពង្រឹងក្រុមរបស់ពួកគេ ក្នុងប្រកួតប្រជែងដណ្តើមពានរង្វាន់នៅរដូវកាលថ្មីនេះ ។

ទន្ទឹមនឹងនេះផងដែរ ក្លិប​ក្រសួងការពារជាតិ ដែល​ទើប​បង្ហាញ​វត្តមាន​លោក ភា សុភ័ក្ត្រា ជា​គ្រូ​បង្គោល​ថ្មី អាច​នឹង​នាំ​យកអតីត​ខ្សែការពារកីទ្បាករសញ្ជាតិថៃ Sarayut Sompim ដែលបច្ចុប្បន្នកំពុងប្រកបអាជីពលេងនៅថៃលីគទី២ (Thai League ២) ក្នុងក្រុម Nakhon Si United ត្រូវបានគេរាយការណ៍ថា អាំចនឹងផ្ទេរមកចូលរួមជាមួយសមាគមកីទ្បាបាល់ទាត់កងយុទ្ធពលខេមរភូមិន្ទ នារដូវកាលថ្មីនេះ ក្នុងនាមជាកីទ្បាករកូតាអាស៊ាន។

គួរបញ្ជាក់ផងដែរថា លីគកំពូលកម្ពុជា រដូវកាលថ្មីដែលនឹងចាប់ផ្តើមនាថ្ងៃសៅរ៍ ទី៥ ខែសីហា ដែលតម្រូវឲ្យក្លិបជាសមាជិកទាំង១០ប្រើប្រាស់គោលការណ៏កូតាកីឡាករអាស៊ាន១​រូប​ក្នុង​ចំណោម​កីឡាករ​បរទេស​៦​រូប។ រហូត​ដល់​ពេល​នេះ​មានក្លិបចំនួន ៧ដែលបាននាំយកកីឡាករអាស៊ានមកចូលរួម​ជា​ផ្លូវ​ការ។