* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
គ្រូបង្វឹកក្រុម Manchester United លោក Erik ten Hag បានចោទប្រកាន់កីឡាកររបស់គាត់ថាគ្មានវិជ្ជាជីវៈ បន្ទាប់ពីពួកគេចាញ់ក្រុម Liverpool
ក្រុមបិសាចក្រហម Manchester United បានចាញ់ក្រុមហង្សក្រហម Liverpool ក្នុងលទ្ធផល 0-7 ដែលគ្រូបង្វឹកសញ្ជាតិហូឡង់បានចង្អុលបង្ហាញថាក្រុមលេងខុសផែនការ និងមិនមានវិជ្ជាជីវៈទាល់តែសោះ ជាពិសេសនៅពាក់តង់ទីពីរ រហូតដល់បរាជ័យយ៉ាងធ្ងន់ធ្ងរបែបនេះ។
លោក Erik ten Hag បាននិយាយថា ៖ “ខ្ញុំមិនដឹងថាត្រូវពន្យល់យ៉ាងណាទេ។ ក្នុងតង់ទីមួយ យើងគ្រប់គ្រងការប្រកួតបានយ៉ាងល្អ។ ប៉ុន្តែចូលដល់តង់ទី២ រកបាន២គ្រាប់ ប្រហែលគ្មានក្រុមណារកបានបែបនេះទេ។ យើងមិនបានលេងដូចការគ្រោងទុកជាមួយមនុស្ស 11 នាក់នៅលើទីលាននោះទេ”។
គាត់បានបន្ថែមទៀតថា ៖ “វាអាក្រក់ណាស់ ខ្ញុំបានប្រាប់កីឡាករថា គ្មានវិជ្ជាជីវៈទាល់តែសោះ។ អ្នកត្រូវធ្វើការជាក្រុម ប៉ុន្តែយើងមិនបានធ្វើបែបនោះទេ គ្មានវិន័យទេ។ អ្នកអាចបាក់ទឹកចិត្ត ប៉ុន្តែអ្នកត្រូវតែធ្វើការជាមួយគ្នា ហើយធ្វើការងាររបស់អ្នក ”។ សម្រាប់ខ្ញុំ វាមិនមែនជាវិជ្ជាជីវៈទាល់តែសោះ។ ដូច្នេះខ្ញុំមានការខកចិត្ត និងខឹងយ៉ាងខ្លាំង។ អ្នកគាំទ្រយើងខកចិត្ត។ ក្នុងនាមជាក្រុមវាមិនគួរមានបែបនេះទេ។ យើងត្រូវតែតស៊ូដើម្បីគ្នាទៅវិញទៅមក។ ប៉ុន្តែយើងមិនបានធ្វើបែបនោះទាល់តែសោះ”។
