* សិស្សច្បងធំត្រឡប់មកវិញហើយ!! ចាន់ វឌ្ឍនាកា រកបានគ្រាប់បាល់ដំបូងនៅលីគកំពូលកម្ពុជា រដូវកាលនេះ
Manchester City ថ្កោលទោសចំពោះអ្នកគាំទ្រដែលបានគប់ឡានក្រុង Liverpool នៅតាមផ្លូវត្រឡប់មកវិញ រួមនឹងសហការជាមួយប៉ូលិសក្នុងការស៊ើបអង្កេត
Manchester City បានចេញសេចក្តីថ្លែងការណ៍ស្តីបន្ទោសអ្នកគាំទ្ររបស់ខ្លួនចំពោះការគប់ឡានក្រុងរបស់ក្រុម Liverpool បន្ទាប់ពីការប្រកួតក្របខ័ណ្ឌ Premier League នៅកីឡដ្ឋាន Etihad ដែលក្រុម Man City ឈ្នះក្នុងលទ្ធផល 4-1 កាលពីយប់មិញ។
Manchester City នៅតែអាចរក្សាក្តីសង្ឃឹមរបស់ពួកគេក្នុងការប្រជែងយកពាន Premier League ជាមួយ Arsenal បន្ទាប់ពីយកឈ្នះ Liverpool ក្នុងការប្រកួតក្នុងផ្ទះដោយគ្មានកង្វល់។ ប៉ុន្តែក្រោយការប្រកួតចប់ ឡានក្រុងរបស់ក្រុមភ្ញៀវបានរងការខូចខាតដោយដុំឥដ្ឋគប់ដោយអ្នកគាំទ្រ Man City រហូតដល់កញ្ចក់ប្រេះ នេះបើយោងទៅតាម The Athletic ។
ចំពោះព្រឹត្តិការណ៍បែបនេះ ប៉ូលីស Manchester City បានបញ្ជាក់ពីការស៊ើបអង្កេតនេះ ខណៈដែល Manchester City បានថ្កោលទោសភ្លាមៗចំពោះអ្នកគាំទ្ររបស់ពួកគេ បើទោះបីជាក្រុមហង្សក្រហមមិនមានយោបល់អ្វីក៏ដោយ។
ជាមួយគ្នានេះ ក្រុម Manchester City ក៏បានសម្តែងការខកចិត្តផងដែរ ដែលក្រុមអ្នកគាំទ្រធ្វើបែបនេះ ដោយបានលើកឡើងថា ៖ "Manchester City ដឹងថាគ្រូបង្វឹករបស់ Liverpool មានការខូចខាតពេលធ្វើដំណើរត្រឡប់ទៅផ្ទះវិញក្រោយចប់ការប្រកួតថ្ងៃនេះ។យើងយល់ថាវត្ថុដែលត្រូវបានគេគប់នៅលើគ្រូបង្វឹកក្នុងតំបន់របស់គាត់។ វាជាស្ថានភាពមិនអាចទទួលយកបានទាំងស្រុង។ ហើយយើងថ្កោលទោសយ៉ាងខ្លាំងចំពោះទង្វើបែបនេះ ដែលទាមទារឲ្យនរណាម្នាក់ទទួលខុសត្រូវ”។
ក្លិប Manchester City បានសង្កត់ធ្ងន់ថា៖ "យើងនឹងបន្តគាំទ្រប៉ូលិសក្រុង Manchester ស៊ើបអង្កេតលើបញ្ហានេះតាមគ្រប់មធ្យោបាយដែលយើងអាចធ្វើទៅបាន។ទន្ទឹមនឹងនេះ ក្លឹបមានការខកចិត្តដែលបានឮការច្រៀងមិនសមរម្យពីអ្នកគាំទ្រក្នុងពេលប្រកួតថ្ងៃនេះ។យើងមានការសោកស្ដាយចំពោះទង្វើដែលបានកើតឡើង។ ហើយយើងនឹងធ្វើការជាមួយនឹងអ្នកគាំទ្រ និងមន្ត្រីមកពីក្រុមទាំងពីរដើម្បីបញ្ឈប់ការស្រែកជេរប្រមាថនេះ”។
