បន្ទាប់ពីការចាញ់ Liverpool យ៉ាងចាស់ដៃក្នុងលទ្ធផល ៧ទល់និង០ កាលពីប៉ុន្មានថ្ងៃមុន Rashford បានបើកឡានស្ព័រទំនើបទៅទិញទំនិញនៅ Cheshireដែលធ្វើអោយគាំទ្រ Man United ខឹងសម្បានិងខ្សែប្រយុទ្ធរូបនេះជាខ្លាំង។

យ៉ាងណាក្ដីកាសែតដ៏ល្បី Daily Mail បានចុះផ្សាយថា Marcus Rashford ត្រូវបានគេប្រទះឃើញនៅតាមផ្លូវដោយខ្សែ​ប្រយុទ្ធ​សញ្ជាតិ​អង់គ្លេស​រូប​នេះ​បាន​ចូល​ហាង​ Prestons ដែលជាហាង​មាន​លក់​គ្រឿង​អលង្ការ និង​នាឡិកាប្រណិតៗ ខណៈដែល Rashford ដើរមកកាន់រថយន្ថ Mclaren 765LT របស់គេវិញ ខ្សែប្រយុទ្ធរូបនេះនៅតែរក្សាទឹកមុខក្រៀមក្រំដដែរ។

ទោះបីជាយ៉ាងណាក៏ដោយសកម្មភាពរបស់ Marcus Rashford បានធ្វើឱ្យអ្នកគាំទ្រម្នាក់ៗបានរិះគន់ថា "ប្រហែលជា Rashford ភ្លេចអ្វីដែលគាត់បាននិយាយបន្ទាប់ពីការចាញ់ Liverpoolហើយ" ។ "ខ្សែប្រយុទ្ធបានទៅទិញគ្រឿងអលង្ការបន្ទាប់ពីក្រុមបានរងបរាជ័យយ៉ាងធ្ងន់ធ្ងរបំផុតក្នុងប្រវត្តិសាស្ត្រ។ ”ខ្ញុំ​នឹង​មិន​ជឿ​អ្វី​ដែល​គាត់​និយាយ​ចាប់​ពី​ពេល​នេះ​តទៅ​”៕