ក្រុម​ជម្រើស​ជាតិ​ថៃ ​គ្រោង​នឹង​មានប្រកួត​មិត្តភាព​អន្ថរជាតិចំនួន​២​ប្រកួត​ក្នុង​កំឡុងពេលថ្ងៃ FIFA Day ក្នុងខែមីនា ជាមួយ​ក្រុម​ជម្រើស​ជាតិ​ស៊ីរី និង​ក្រុម​ជម្រើស​ជាតិ​អារ៉ាប់រួម  ដើម្បីរៀបចំក្រុមសម្រាប់ការប្រកួតវគ្គជម្រុះ World Cup 2026 តំបន់អាស៊ីជុំទី 2 ដែលនឹងចាប់ផ្តើមក្នុងខែវិច្ឆិកា ឆ្នាំ 2023 និងពានរង្វាន់ AFC  Asian Cup ឆ្នាំ 2023 នៅខែមករា ឆ្នាំ 2024 នៅប្រទេសកាតា។



ដោយក្រុមជម្រើសជាតិស៊ីរី បច្ចុប្បន្ន​ស្ថិតនៅ​ចំណាត់​ថ្នាក់​ទី 90 ក្នុង​តារាង FIFA Ranking និង​ក្រុម​ជម្រើស​ជាតិ​អារ៉ាប់រួម ស្ថិតនៅចំណាត់ថ្នាក់ទី 70 ក្នុង FIFA Ranking ពីចំណាត់ថ្នាក់ចុងក្រោយកាលពីខែកុម្ភៈកន្លងទៅ។


គ្រូ​បង្វឹក​ក្រុម​បាល់ទាត់​ជម្រើស​ជាតិ​​ថៃលោក Mano Polking បានលើកឡើងថា ៖ “ពិតណាស់ យើងត្រូវការក្រុមខ្លាំងបំផុត ដើម្បីធ្វើការប្រកួតនេះឱ្យបានច្រើនតាមដែលអាចធ្វើទៅបាន។ វាជាការប្រកួតសំខាន់ពីរ។ ប្រកួតនឹងប្រទេសពីរដែលមានចំណាត់ថ្នាក់ FIFA Ranking ខ្ពស់ជាងពួកយើង ហើយយើងនឹងឃើញថាតើយើងអាចគ្រប់គ្រងពួកគេបានល្អប៉ុណ្ណានៅពេលប៉ះពួកគេ”។



“យើងចង់បានកីឡាករល្អបំផុត ដែលមិនមានរបួសដល់ក្រុម ទៅលើកនេះ។ វាខ្លីជាងការប្រកួតកន្លងមក។ ខ្ញុំជឿថាវាល្អ ជាមួយនឹងការទៅប្រកួតនៅប្រទេសអារ៉ាប់រួមលើកនេះ។ យើងត្រៀមខ្លួនរួចជាស្រេច ដើម្បីជួបជាមួយក្រុមខ្លាំង  និងជួបដៃគូប្រកួតប្រជែងល្អ។ នេះ​ជា​ការ​សាកល្បង​ដ៏​ល្អ​មួយ​សម្រាប់​យើង”។

គាត់បានបន្ថែមទៀតថា ៖ “វាតែងតែសំខាន់។ ដែលយើងត្រូវជួប គូប្រជែងដែលខ្លាំងជាងយើង ដើម្បីមើលកន្លែងដែលយើងកំពុងតែនៅឥឡូវនេះ តើ​យើង​មាន​ស្តង់ដារ​កម្រិត​ណា? ទល់នឹងក្រុមដែលមានចំណាត់ថ្នាក់ល្អជាង"។

“ចំណាត់ថ្នាក់ FIFA Ranking គឺសំខាន់។ នោះហើយជាមូលហេតុដែលយើងជ្រើសរើសលេងជាមួយក្រុមខ្លាំងទាំងពីរនេះ ដើម្បីប្រមូលពិន្ទុ ហើយសង្ឃឹមថាយើងអាចទទួលបានក្រុមល្អបំផុត ដើម្បីឈ្នះការប្រកួតទាំងពីរនេះ។ និងបង្កើនចំណាត់ថ្នាក់ FIFA Ranking កាន់តែប្រសើរ” ។



សម្រាប់​កម្មវិធី​ប្រកួត​មិត្តភាពប្រកួត​មិត្តភាព​អន្ថរជាតិ ក្នុងកំឡុងពេលថ្ងៃ FIFA Day ក្នុង​ខែ​មីនា របស់​ក្រុម​ជម្រើស​ជាតិ​ថៃ មាន​ដូច​ខាង​ក្រោម៖

ក្រុមជម្រើសជាតិស៊ីរី ប្រកួតជាមួយ  ក្រុមជម្រើសជាតិថៃ នៅថ្ងៃទី ២៥ ខែ មីនា ឆ្នាំ ២០២៣

​ក្រុម​ជម្រើស​ជាតិ​អារ៉ាប់រួម  ប្រកួតជាមួយ ក្រុមជម្រើសជាតិថៃ នៅថ្ងៃទី 28 ខែ មិនា ឆ្នាំ 2023