ខ្សែ​បម្រើ​របស់ក្រុម​ Man Utd  កីឡាករ Christian Eriksen ​ត្រូវ​សម្រាក​រយៈពេល​ ៣ ​ខែ​  បន្ទាប់ពី​រងរបួស​កជើង​ក្នុង​ការប្រកួតពានរង្វាន់​ FA Cup ​ជាមួយក្រុម​ Reading កាលពីពេលកន្លងទៅ ។  Christian Eriksen បានចាកចេញពីកីឡដ្ឋាន Old Trafford ដោយប្រើឈើច្រត់ បន្ទាប់ពីមានការប៉ះទង្គិចជាមួយកីឡាករ Andy Carroll ។



ខ្សែបម្រើរូបនេះគឺជាតួអង្គសំខាន់សម្រាប់គ្រូបង្វឹកលោក  Erik ten Hag ដោយបាន assists ចំនួន 7 ដង និងស៊ុតបញ្ចូលទីបាន១គ្រាប់ ពីការបង្ហាញខ្លួនចំនួន 19 ប្រកួតក្នុងក្របខ័ណ្ឌ Premier League នៅរដូវកាលនេះ។



Man Utd បានប្រកាសនៅលើគេហទំព័រផ្លូវការរបស់ពួកគេថា៖  "ខណៈពេលដែលការស៊ើបអង្កេតកំពុងបន្ត ការវាយតម្លៃដំបូងបង្ហាញថា Eriksen ទំនងជានឹងត្រូវសម្រាករហូតដល់ចុងខែមេសា ឬដើមខែឧសភា" ។

លោក Erik Ten Hag បាននិយាយថា៖  "គាត់ខកចិត្ត  ហើយយើងខកចិត្ត ប៉ុន្តែវាកើតឡើងហើយ។ យើងត្រូវតែដោះស្រាយវា" ។

គាត់បានបន្ថែម ៖ "យើងមានកីឡាករនៅតំបន់កណ្តាល   កីឡាករល្អៗដែលអាចបំពេញចន្លោះ។  កីឡាករគ្រប់រូបមានលក្ខណៈ និងអត្តសញ្ញាណរៀងៗខ្លួន។  Eriksen នាំមកនូវគុណភាពកំពូលដល់ក្រុមរបស់យើង  ហើយលក្ខណៈមួយចំនួនពិបាកនឹងជំនួស "។